Որքան մոտենում են խորհրդարանի ընտրությունները, այնքան նոր շունչ ու բովանդակություն են ստանում նախընտրական զարգացումները: Այս առումով մինչև անգամ հավանական է, որ աննախադեպ իրավիճակ ստեղծվի, ու թեժ մրցապայքարի պատրաստվող բազմաթիվ օլգիարխներ լքեն հարազատ կուսակցությունները:

Այս տարվա առաջին չորս ամիսներին ավելացել են ոչ միայն խոշոր հարկատուների եկամուտները, այլև նրանց կողմից վճարված հարկերը: Առաջատար 440 տնտեսվարողները հունվար¬ապրիլ ամիսներին վճարել են հանրապետությունում հավաքագրված հարկերի ավելի քան 60 տոկոսը:

Հայ¬պարսկական տնտեսական համագործակցությունը, դույլ-մոմ-լուցկի շրջանակից դուրս գալով, սկսել է արտահայտվել հայկական անտառների փայտանյութի արտահանմամբ: Վերջին տարիներին իրանցի գործարարները կենտոնացել էին հատկապես գունավոր մետաղների տեղափոխման վրա:

Աղբահանության սակագինը նույնպես հայտնվեց կատաղի գնաճի ճիրաններում: Նախօրեին հայրենի երեսփոխանների կայացրած որոշմամբ` Երևանի յուրաքանչյուր բնակիչ ամեն ամիս 400 դրամ կվճարի նշված ծառայության դիմաց:

Դեռ մինչև վերջերս ադրբեջանական լրատվամիջոցները տեղեկացնում էին, որ Ադրբեջանը Ռուսաստանից գնել է «Ֆավորիտ» տիպի զենիթահրթիռային երկու համակարգ: Ռուսաստանյան կողմը հանդես էր գալիս հերքումներով` հայտարարելով, թե ադրբեջանցիներն ապատեղեկատվություն են տարածում:

Օրերս ՀՀ հատուկ քննչական ծառայությունը ձերբակալել է «Էսկո կոնցեռն» Փակ բաժնետիրական ընկերության նախագահ Սարգիս Աղաբեկյանին` «որպես արհեստ` վաշխառությամբ զբաղվելու և տուժողին նյութական ծանր կացության վիճակում դնելու» կասկածանքով:

ՕԵԿ¬ացված կառույցներից մեկը` Արտակարգ իրավիճակների նախարարությունը, պայքար է սկսել այն մասնավոր կազմակերպությունների դեմ, որոնք փորձում են հանրապետության տարբեր մարզերում հակակարկտային կայաններ տեղադրել: Թեև մեր երկրում գործող որևէ օրենք մասնավոր կառույցների նման նախաձեռնությունը չի արգելում, սակայն Արտակարգում արտակարգ զգուշավորությամբ են մոտենում այդպիսի ձեռնարկումներին:

Տեսնես` հոգեբույժներն ինչպես կախտորոշեին մեր տարածաշրջանում բնակռած քոչվոր-եկվորների բարբաջասիրությունը, եթե փորձեին ուսումնասիրել այդ ցեղատեսակը: Մի օր գուցեև փորձեն, իսկ մինչ այդ նրանց վարքագծից գլուխ հանել փորձողներին հուշենք` ադրբեջանցիների ինքնաբավարարման միակ միջոցը մնացել է լեզուն:

Ինչպես փոխանցում էին «Բարգավաճ Հայաստան» կուսակցության մեր աղբյուրները, Ազգային ժողովի արտահերթ նիստի գումարումից առաջ ԲՀԿ-ն ժողով էր անելու, որի ժամանակ պետք է որոշվեր, թե ինչ էին պատասխանելու ԲՀԿ-ական պատգամավորները ընդդիմության և իշխանության միջև հնարավոր երկխոսության վերաբերյալ հարցերին:

Հուլիսի 1¬ից նախատեսվող ուղեվարձի կրկնակի թանկացումից հետո Երևանի մետրոպոլիտենն է´լ ավելի ծանր իրավիճակում կհայտնվի:

Կազանյան հանդիպումը, որի մասին արդեն մեկ ամսից ավելի տարփողվում է մեր մամուլում և քաղաքական դաշտում` արդեն իրականություն է դառնում և բոլորիս կանգնեցնում նոր սպասումներին ու կանխատեսումներին հանդիման:

ԱՄԵՆԱՅՆ Հայոց կաթողիկոս Գարեգին Բ-ի Վրաստան կատարած հովվապետական այցի արձագանքները շարունակվում են` օրավուր ստանալով նոր «ենթաշերտեր»: Այն, որ վիրահայ համայնքը Վեհափառին ընդունեց ուրախությամբ, սիրով, հպարտությամբ` անառարկելի է:

Մինսկի խմբի համանախագահները հայտնում են, որ ԼՂՀ հիմնախնդրի շուրջ Հայաստանի և Ադրբեջանի նախագահների հերթական 450¬րդ հանդիպումը տեղի կունենա 2031 թ. հունիսին: Կողմերին ներկայացվել է Մադրիդյան սկզբունքների քառասուներորդ` նորացված տարբերակը:

Եթե գյուղացիական դաշտերին մի տարի երաշտն է վնասում, մյուս տարի կարկուտը, ապա քաղաքական դաշտում, գրեթե ամեն տարի միաժամանակ և´ երաշտ է, և´ կարկուտ: :

ԱՐՏԱՀԵՐԹ ¬ ԱՐՏԱ(ռոց) Հ(ակա) ԵՐԹ: :

Առողջապահության նախարարությունից հայտնում են, որ հանրապետության բարոյահոգեբանական մթնոլորտի առողջացման համար Արևմուտքից ներմուծվել են անհրաժեշտ պատվաստանյութեր, որոնք ներարկվելու են ընդդիմադիր մի քանի կուսակցությունների լիդերներին: :

Միավորված ավազակապետությունների մաֆիոզ կազմակերպությունը (ՄԱՄԿ) կրկին մերժել է Հայաստանն իրենց շարքերում ընդգրկելու ՀԱԿ¬ի առաջարկությունը` պատճառաբանելով, որ Հայաստանի իշխանությունները ոտնահարում են ավազակության հիմնարար սկզբունքները, ընդօրինակում են արևմտյան երկրների ժողովրդավա րություն կոչվող «ջՈտՏՊսՏ¬ն», «րՑցՍՈփ» ընդդիմադիրներին «վՈՍՈջՈՑՖ» անելու փոխարեն, բանտից հանում¬երկխոսում են: :

Ընչազուրկ ժողովուրդը նստելով ավտոբուս և տեսնելով անվճար ինտերնետ, տխուր մտորեց. «Չտեսանք պատից կախ, տեսանք ճակտից կախ», իսկ մեզ թվում էր` սովից ենք մեռնելու: :

¬ Բոլորի հետ իմ վերաբերմունքը մնալու է լոյալ: Մինչև ՀՀԿ¬ի հետ «չնվագեմ» ռոյալ:

Կարապետիչը, «Ժառանգությունը», ՀՅԴ¬ն կոչ են արել ՀԱԿ¬ին և իշխանություններին` երկխոսել բառը փոխարինել «սխոդկի նստել» բառակապակցությամբ: :

Սևակաբար Արի ինքներս մեզնից բարձրանանք, Թույլ տանք արարքներ ինքնաժխտումի, Փոխադարձաբար իրար նեղացնենք, Եվ վիրավորենք փոխադարձաբար: :

Ըստ իրազեկ աղբյուրների` նույնիսկ ՀԱԿ¬ի ամենաթերահավատ անդամները չէին կարող պատկերացնել, որ Քոքոբելյանը այդքան «քոքված» մարդ դուրս կգա: :

Ասում են, Մարի Յովանովիչը, հրաժեշտից առաջ այցելելով «ԱԶԱՏ ԴԵՄՈԿՐԱՏՆԵՐ» կուսակցություն, ասել է. «Ձեզ ԱԶԱՏ գործելու հնարավորություն կտանք, իսկ Հայաստանին` ԴԵՄՈԿՐԱՏԻԱ»: :

Օլիգարխներին թվում է, թե «լեզվանի» թերթերի լեզուն կարճացնելով, «թարախոտ» մամուլի վրա եզան լեզու են դնում: Չեն նկատում, որ տարածվող թարախը իրենցից է փոխանցվել ԶԼՄ¬ներին:

ՀՀ զինված ուժերի 2011թ. ուսումնական տարվա պատրաստության պլանի համաձայն` հունիսի 20-ից 23-ը կազմակերպվել են զինված ուժերի հրամանատարական հավաքներ:

1992-ի հունիսի 25-ին` Շահումյանի անկումից հետո, Հաթերք գյուղում` շրջանի գյուղերի ինքնապաշտպանական ջոկատների հիմքի վրա կազմավորվել է «ԵՂՆԻԿՆԵՐ» պարտիզանական ջոկատը: Ունեցել է շտաբ, դրոշ և զինանշան, որը Գյուլիստանի մելիքների զինանշանն էր:

«Եթե ձեզ ասեն` ես զոհվել եմ, մի´ հավատացեք. ես Ստամբուլի մոտ եմ ընկնելու»: Լեոնիդ ԱԶԳԱԼԴՅԱՆ 19 տարի առաջ, հունիսի 21-ին, Մարտակերտի շրջանի Տոնաշեն գյուղի մոտ ընկավ Արցախյան գոյապայքարի ամենամեծ նվիրյալներից մեկը` Լեոնիդ Ազգալդյանը:

Հերոսները երբեք չեն մեռնում: Նրանք ապրում են ու կապրեն` քանի դեռ հայրենի հողի վրա մաքառում ու արարում է հայը:

ՀՀ ժողովրդական արտիստ, պրոֆեսոր Վահե ՇԱՀՎԵՐԴՅԱՆԸ ժամանակակից հայ թատրոնի այն բացառիկ գործիչներից է, ում դեմ հաճախ են «սրեր ճոճել» միջակությունները` ձգտելով հավասարակշռությունից և ստեղծագործական ուղուց հանել նշանավոր արվեստագետին, մարդուն, ով ամենաանպաշտպանվածներից մեկը լինելով, երբեք չի պատասխանել մեղադրանքներին ու վիրավորանքներին. աշխատել ու ստեղծագործել է` համոզված լինելով, որ մի օր բոլոր նրանք, ովքեր դավել են ու խարդավել` «դարձի են գալու»... Ու գալիս են... ԵՎ ԽԱՐԴԱՎԱՆՔՆԵՐՆ ԵՆ ԵՂԵԼ ՇԱՏ, ԵՎ` ՍԵՐԸ... - Բազմիցս է խոսվել այն մասին, որ Սունդուկյանի անվան ազգային ակադեմիական թատրոնի գեղարվեստական ղեկավարի հաստիքի լուծարումը ոչ թե ստեղծագործական-կառուցվածքային խնդիր էր, այլ` անձի, տվյալ դեպքում` Ձեր դեմ ուղղված քայլ... - Արդեն երրորդ տարին է, որ խոսվում է ինձ հետ կատարվածի և Սունդուկյանի անվան ազգային թատրոնի ճակատագրի մասին:

Թատերական գործիչների միության վարչության նիստում, ի թիվս այլ հարցերի, օրերս նորից բարձրացվեց Սունդուկյանի անվան թատրոնի հարցը:

Լուկաշենկոյի խորհրդային մեթոդները, բնականաբար, ծաղրելու լավ առիթ են միջազգային ասպարեզում: Արևմտյան Deutsche Welle պարբերականը, օրինակ, հեգնել է, որ տնտեսական ճգնաժամը «Բատյան» բուժում է կարգապահական միջոցներով:

Երկրում քաղպաշտպանության հնգօրյա վարժանքներ են սկսվել, որոնք ներառում են զանգվածային ոչնչացման զենքից պաշտպանության միջոցները: Մերձավորարևելյան քաոսը, փաստորեն, Իսրայելին մղում է պատրաստվել հնարավոր տարածաշրջանային պատերազմին:

Մի քանի օր առաջ «Ֆլորայի» այգում, ինչպես վաղեմի ժամանակներում, նվագում էր փողային նվագախումբը: Հին ու սիրելի վալսեր, տանգոներ էին հնչում:

Կենտրոնական Ասիայի երկրներում արգելված` Հիզբ ուտ¬Թահրիր իսլամական շարժման հետ կապեր ունենալու մեղադրանքով Տաջիկստանում ձերբակալվել է Ուրումբոյ Ուսմանովը: Բրիտանական հաղորդակցության ընկերությունն անցյալ շաբաթ դիմել է Տաջիկստանի իշխանություններին` պահանջելով անհապաղ ազատ արձակել իրենց աշխատակցին:

Այս շաբաթը մեքսիկական Վերակուրս առողջարանային քաղաքում չարագույժ լուրով սկսվեց: Անհայտ մարդիկ իր իսկ տանը սպանել էին լրագրող Լոպես Վելասկոյին, նրա կնոջն ու անչափահաս որդուն (տեղեկացրել է Մեքսիկայի ՆԳՆ¬ն):

Մինչ աֆրիկյան երկրները ձգտում են արտաքին ներդրումներ ներգրավել և ընդլայնել միջազգային առևտուրը, Հ. Քլինթոնը գտնում է, որ նրանք պետք է մեծ ուշադրություն հատկացնեն և աջակցեն ձեռնարկատեր կանանց: - Ոչ մի երկիր չի կարող բարգավաճել, եթե դրա ժողովրդի կեսը հետ է մնում:

Պենտագոնի ղեկավարն արդեն հայտարարել է, որ «Ալ¬Քաիդա»¬ի նոր առաջնորդին սպասվում է Ուսամա բեն Լադենի ճակատագիրը: Հրավիրված մամլո ասուլիսում Ռոբերտ Գեյթսը նշել է, որ Այման ալ¬Զավահիրին, ով եղել է բեն Լադենի տեղակալը, չունի գործողություններ կազմակերպելու այն փորձը, որին տիրապետում էր խմբավորման հանգուցյալ ղեկավարը:

Իսկ մեզ թվում է, թե միայն Հայաստանում են վարորդները թույլատրված քանակից ավելի ուղևորներ խցկում հանրային փոխադրամիջոցների մեջ: Միչիգանցի վարորդն էլ, ճիշտ մերոնց նման` դժվարացել է մերժել իր ավտոբուսով մեկնել ցանկացողներին: