«Ոսկե ծիրան» կինոփառատոնի արձագանքը նախագծի շրջանակում Հայաստան է ժամանում դերասանուհի Ջուլիա Աուգը
«Ոսկե ծիրան» կինոփառատոնի արձագանքը նախագծի շրջանակում Հայաստան ժամանում դերասանուհի Ջուլիա Աուգը։ Վաղը՝ օգոստոսի 19-ին, Կինոյի տան Մեծ դահլիճում կկայանա ռեժիսորներ Արմեն Հակոբյանի և Դմիտրի Տարխովի «Պիտի սատկեինք, որ գայիք» ֆիլմի ցուցադրությունը և հանդիպում Ջուլիա Աուգի հետ։

Նրանք երազում են վերամիավորել ընտանիքը այս վերջին իրադարձության համար: Երեխաները գալիս են, բայց ընտանիքի վերամիավորումը շատ ավելի է դժվարացնում զույգի կյանքը: Գիսաստղը մոտենում է, և բոլորը պետք է բարձրաձայնեն այն ամենի մասին, ինչ նախկինում չեն ասել: Սակայն ամենակարեւոր խոսքերից դուրս են հանում տարիների ընթացքում կուտակված դժգոհությունները, թաքնված ցանկությունները, կմախքները պահարանում։ Կհաջողվի՞ նրանց ընտանիք մնալ, թե՞ ապոկալիպսիսը տեղի է ունեցել գիսաստղի գալուստից շատ առաջ։
Պրոդյուսերներ՝ Ալեքսանդր Հակոբյան, Իլյա Շերստոբիտեր, սցենարի հեղինակներ՝ Արմեն Հակոբյան, Գևորգ Մարկոսյան, Դմիտրի Տարխով, օպերատոր՝ Գևորգ Մարկոսյան։
Նշենք, որ խորհրդային և ռուս դերասանուհի, թատրոնի և կինոյի ռեժիսոր, սցենարիստ, տեսահոլովակների հեղինակ Ջուլիա Աուգը «Кинотавр», «ТЭФИ», «Ника» ռուսական հեղինակավոր մրցանակների և փառատոնների դափնեկիր է, աշխատել է բազում հայտնի ռեժիսորների հետ։