Մարդկությունը պատրաստ չէ դիմակայել վիրուսներին, որոնք կարող են տարածվել, երբ սառադաշտերը և հավերժական սառույցը հալչեն: Այս մասին Риа Новости-ին տված հարցազրույցում ասել է Խաղաղության Նոբելյան մրցանակի դափնեկիր և կլիմայի փոփոխության հարցերով ՄԱԿ-ի գլխավոր քարտուղարի նախկին խորհրդական Ռաե Կվոն Չունգը։

 

Գործակալության աղբյուրի համաձայն՝ նման վիրուսները կարող են թաքնվել Գրենլանդիայում, Կանադայի հյուսիսում և Ռուսաստանում սառադաշտերի և հավերժական սառույցի մեջ և դրանց հալչելուց հետո տարածվել։ Մարդկությունը պատրաստ չէ դիմակայել նման վիրուսներին, կարծում է գիտնականը։

 

- Կարծում եմ՝ այդպես է, քանի որ մենք նույնիսկ չգիտենք, թե ինչ վիրուսներ կան այնտեղ: Սիբիրախտի հետ կապված իրավիճակը (որի սպորները կարող են գոյատևել հավերժական սառույցի պայմաններում) ընդամենը մեկ օրինակ է, բայց կարող են լինել շատ ավելին,- բացատրում է Ռաե Կվոն Չունգը:

 

Նա մեջբերել է մի քանի տարի առաջ հրապարակված գիտական զեկույցը, ըստ որի՝ հարյուրավոր վիրուսներ կարող են արձակվել տունդրայում մշտական սառույցի հալվելու ժամանակ, և այդ վիրուսներից մի քանիսը կարող են վտանգավոր լինել մարդկության համար։

 

Աղբյուր` Փաստինֆո