Սովորել ես լռել, ուրեմն իմաստնացել ես....
ԱՌՏՆԻՆ ՃՇՄԱՐՏՈՒԹՅՈՒՆՆԵՐ
Պատանեկության տարիներին մենք կոտրում ենք մարդկային հարաբերությունների միջև խոյացող պատերը և այդ հարաբերությունների նոր կամուրջներ կառուցում, իսկ տարիքի հետ այրում ենք կամուրջները և պատեր խոյացնում: Գնահատիր այն, ինչ ունես՝ քանի դեռ ժամանակը չի ստիպում գնահատել այն, ինչն ունեցել ես: Այն ամենը, ինչ փորձում ենք ջնջել հիշողությունից՝ մնում է մեր խղճի վրա: Սերը չի կարող լինել «ներբեռնել» կամ «պատճենել» և հետո էլ «ջնջել» ու համակարգչային էկրանի զամբյուղը նետել: «Արգելափակել» էլ չենք կարող սերը, ոչ էլ՝ «ֆորմատ» անել:
Փոխարենը՝ կարող ենք փրկել ու պահպանել սերը ...
Հիշենք, որ վաղ թե ուշ որովայնը կախվելու է՝ որքան էլ շատ ու ընտիրն ուտենք: Խնամելով դեմքը՝ պետք չէ մոռանալ, որ ծերությունն անխուսափելի է: Ուրեմն ջանքեր մի խնայեք՝ մարզելու ուղեղը. իմաստունի արտաքին թերությունները ավելի քիչ նկատելի են լինում ... Երիտասարդ տարիներին մարդը նուրբ խաղողի է նման: Սակայն տարիքի հետ անհանգիստ անձը վերածվում է գինու, ձանձրալիները՝ քացախի, չոր էությունները նմանվում են չամիչի, ուժեղները՝ թունդ օղու ...
Եվ միայն առավել պոռթկուններին է վիճակված շամպայն դառնալ:
Պատահում է՝ նայում ես շան աչքերին ու մտածում ես՝ ՄԱ՛ՐԴ է: Երբեմն էլ նայում ես մարդու աչքերին ու մտածում՝ շո՛ւն է... Սովորեցիր խոսել՝ ուրեմն մեծացել ես: Սովորեցիր լռել՝ իմաստուն ես: Կինը նման է արձագանքի. ինչպես դիմես նրան՝ այնպես էլ նա կարձագանքի ... Աղքատ լինելն ու էժան սնվելը ամոթ չէ, էժանագին լինելն է ամոթ: Երբ դուք որևէ մեկի կարիքը չեք զգում, դա անկախություն է, երբ ոչ ոք չի զգում ձեր կարիքը, ուրեմն միայնակ եք՝ եթե նույնիսկ զավակներ ու այլ հարազատներ ունեք: Արժանավոր կնոջ հանդիպելիս՝ տղամարդիկ հանում են իրենց գլխարկը, այլ ոչ շալվարը... Լսող լինելը լավ դաստիարակություն է, լսելու ունակությունը՝ տաղանդ: Մարդիկ նման են բույսերի. անբավարար հոգածության դեպքում թոշնում են: Անցյալը մենք երբեք չենք կարող սրբագրել, իսկ ապագան միշտ կարող ենք փչացնել: