«Human Rights Watch» եվրո-միջերկրածովյան կազմակերպությունը, զգուշացրել է, որ սովը Գազայում դեռևս չի վերացել, և մարդասիրական օգնության շարունակական միտումնավոր կրճատումը

ցույց է տալիս, որ Իսրայելի ռեժիմը շարունակում է սովը օգտագործել որպես

զանգվածային ցեղասպանության գործիք։

 

Կազմակերպությունը հայտարարել է․ «Իսրայելի ռեժիմի կողմից Գազա մտնելու համար թույլատրված հումանիտար օգնության ծավալը  բավարարում է ժողովրդի իրական կարիքների միայն փոքր մասը»։

 

Կազմակերպությունը նաև մտահոգություն է հայտնել, որ Թել Ավիվը սպառնում է կրճատել մարդասիրական օգնությունը և փակ պահել Ռաֆահի անցակետը՝ այնպիսի պատրվակներով, ինչպես՝ սպանված իսրայելցիների մարմինները չհանձնելը։

 

«Human Rights Watch» եվրո-միջերկրածովյան կազմակերպությունը նաև  հայտարարել է, որ Սիոնիստական ռեժիմը հրադադարի հայտարարումից հետո երկու օրվա ընթացքում մարդասիրական օգնություն տեղափոխող ընդամենը 173 բեռնատարի է թույլատրել մուտք գործել Գազայի հատված, իսկ հոկտեմբերի 13-ին ոչ մի բեռնատար չի մտել Գազա։ Հումանիտար  օգնության ժամանումը դադարեցվել է նաև երեքշաբթի՝ սիոնիստների կրոնական տոնի պատճառով։

 

Կազմակերպությունը նշել է. «Իսրայելի ռեժիմի կողմից հումանիտար օգնության ծավալի վերահսկողությունը և հրադադարի համաձայնագրով ստանձնած պարտավորությունների անտեսումը նշանակում է ցեղասպանության շարունակություն»։

 

Կազմակերպությունը ընդգծել է, որ հումանիտար օգնության մուտքը Գազա, Սիոնիստական ռեժիմի արտոնությունը կամ բարեհաճությունը չէ, այլ անվիճելի իրավական պարտավորություն, և որ մարդասիրական օգնությունը պետք է տրամադրվի անաչառության սկզբունքի հիման վրա և միայն մարդկային կարիքների հիման վրա՝ առանց խտրականության, ուշացման կամ ընտրողական վերաբերմունքի։

 

Կազմակերպությունը կոչ է արել դադարեցնել ռազմական գործողությունները և անհապաղ վերացնել Գազայի շրջափակումը, իսկ միջազգային հանրությանը կոչ է արել տրամադրել միջազգային երաշխիքներ՝ շրջափակման կամ Գազա օգնության մուտքը ցանկացած պատրվակով կրկնությունը կանխելու համար։

 

Աղբյուր՝ Pars Today