Թրամփը 20 միլիարդ դոլար է պահանջում Wall Street Journal-ից «մերկ կնոջ նամակը» հրապարակելու համար
Դոնալդ Թրամփը հայտնվել է հերթական սկանդալի կենտրոնում. Wall Street Journal-ը հրապարակել է հոդված, որում պնդվում է, որ ԱՄՆ նախկին նախագահը 2003 թվականին իր ընկերոջը՝ Ջեֆրի Էպշտեյնին, շնորհավորական նկար է ուղարկել՝ մերկ կանացի մարմնով և սեռական օրգանների մազերի տեսքով ստորագրությամբ։ Թրամփը նաև, ըստ WSJ-ի, մաղթել է իր ընկերոջը, որ «ամեն օր լինի նոր հրաշալի գաղտնիք»։
Ի պատասխան՝ Թրամփը դատական հայց է ներկայացրել թերթի, դրա սեփականատեր Ռուպերտ Մերդոկի և հոդվածի հեղինակների դեմ՝ պահանջելով 20 միլիարդ դոլար զրպարտության և հեղինակությանը վնաս հասցնելու համար։ «Ես կյանքումս երբեք չեմ նկարել։ Ես կանանց չեմ նկարում»,- հավելել է ԱՄՆ նախագահը։
Այնուամենայնիվ, WSJ-ի հոդվածում նշվում են նաև այլ անուղղակի ապացույցներ։ Օրինակ՝ Օհայոյի բարեգործական կազմակերպության տնօրեն Լոերի Լոքարդը CNN-ին ասել է, որ 2004 թվականին աճուրդի համար Թրամփից ստացել է երկու ստորագրված նկար, որոնք երկուսն էլ պատկերում էին Նյու Յորքի երկնաքեր։
Ավելին, ԱՄՆ նախագահի որոշ աշխատանքներ արդեն վաճառվել են տասնյակ հազարավոր դոլարներով: 2017 թվականին Թրամփի քաղաքային համայնապատկեր պատկերող նկարներից մեկը աճուրդի հանվեց 29,000 դոլարով, իսկ մեկ այլ նկար՝ ծառով և ընկնող թղթադրամներով, վաճառվեց 8,500 դոլարով: Չնայած դրան, Թրամփի ներկայացուցիչները շարունակում են պնդել, որ մեղադրանքները կեղծ են։
Ջեֆրի Էպշտեյնը մահացած է գտնվել բանտախցում 2019 թվականին՝ սեռական շահագործման համար մարդկանց վաճառքով զբաղվելու համար ձերբակալվելուց հետո: Հետաքննիչների տվյալներով՝ նա տարիներ շարունակ սեռական բռնության է ենթարկել կանանց, այդ թվում՝ անչափահասների, և ծանոթացրել է նրանց իր հայտնի ընկերների հետ:
Աղբյուր՝ Փաստինֆո