Ուկրաինայի իշխանությունները մերժել են ԱՄՆ վարչակազմի նոր առաջարկը, որի համաձայն՝ Վաշինգտոնին պետք է փոխանցվեր 500 միլիարդ դոլարի բնական ռեսուրսներ։ Այս մասին հայտնում է Bloomberg-ը՝ հղում անելով ուկրաինացի անանուն պաշտոնյայի։

 

Ինչպես տեղեկացնում է factor.am-ը՝ ամերիկյան The New York Times պարբերականը գրել էր, որ համաձայն նոր առաջարկի՝ Ուկրաինայի ռեսուրսներից ստացված եկամուտները պետք է ուղղվեին հատուկ հիմնադրամ, որի ամբողջական վերահսկողությունն ԱՄՆ-ինն է։ Կիևին առաջարկվել է կատարելու ներդրումներ այդ հիմնադրամում, մինչև այն հասնի 500 միլիարդ դոլարի՝ այն գումարին, որը, ըստ տեղեկությունների, Դոնալդ Թրամփը պահանջում է ամերիկյան աջակցության դիմաց։ 

 

Ուկրաինացի պաշտոնյան Bloomberg-ի հետ զրույցում ընդգծել է, որ Կիևը դեմ է Վաշինգտոնի պահանջներին։ Նրա խոսքով՝ Ուկրաինան ԱՄՆ-ից ստացած աջակցությունն գնահատում է 90 միլիարդ դոլար։ Մյուս կարևոր խնդիրը, ըստ աղբյուրի, ԱՄՆ-ի կողմից ապագա ռազմական և ֆինանսական աջակցության երաշխիքների բացակայությունն է։ 

 

Ուկրաինայի նախագահ Վլադիմիր Զելենսկին փետրվարի 19-ին կայացած մամուլի ասուլիսում նշել է, որ Կիևի և Վաշինգտոնի տվյալները չեն համընկնում։ Նրա խոսքով՝ պատերազմի արժեքը Ուկրաինայի համար կազմել է 320 միլիարդ դոլար, որից 120 միլիարդը՝ Ուկրաինայի քաղաքացիների, 200 միլիարդը՝ ԱՄՆ-ի և եվրոպական դաշնակիցների աջակցությամբ։ Նա հավելել է, որ ԱՄՆ-ն Ուկրաինային տրամադրել է 67 միլիարդ դոլարի զենք և 31,5 միլիարդ՝ ուղիղ ֆինանսական աջակցություն։ 

 

Դոնալդ Թրամփը, իր հերթին, հայտարարել է, որ մտադիր է վերադարձնել Ուկրաինային տրամադրված «միլիարդավոր դոլարները»։

 

- Ես ուզում եմ, որ նրանք մեզ ինչ-որ բան տան այն գումարների դիմաց, որոնք մենք ներդրել ենք։ Դրա համար մենք պահանջում ենք հազվագյուտ մետաղներ, նավթ՝ հնարավոր ամեն ինչ,- ասել է ԱՄՆ  նախագահը։

 

Զելենսկի. «Ես չեմ ստորագրի մի բան, որը կվճարի

ուկրաինացիների 10 սերունդը»․ Մամուլ․ am

     

Ուկրաինայի նախագահ Վլադիմիր Զելենսկին հրաժարվել է Ուկրաինային աջակցող ամերիկյան դրամաշնորհները որպես պարտք ճանաչելուց։

 

- Դրամաշնորհները` որպես պարտք, չպետք է ճանաչենք։ Դուր է գալիս, թե ոչ: Ես բանակցել եմ Բայդենի հետ և բանակցել Ամերիկայի Միացյալ Նահանգների Քոնգրեսի հետ։ Ես երախտապարտ եմ Քոնգրեսին. Դա երկու կուսակցությունների ներկայությունն էր և աջակցությունը, - ասել է Զելենսկին կիրակի օրը Կիևում կայացած մամուլի ասուլիսում։ 

     

Զելենսկին հավելել է, որ աջակցության տրամադրման ցանկացած այլ պայման պետք է առանձին քննարկվի, և ուկրաինական կողմը պատրաստ է դրան.

 

- Մենք ձեր օգնության կարիքն ունենք: Եվ եթե ձեր պայմաններն այն են, որ մենք ձեզ օգնություն չենք տա, քանի դեռ չեք ստորագրել պայմանագիրը, ապա դա հասկանալի է։ Հարցն այն է, թե որքանո՞վ եք դուք օգնում։ Տա՞սը միլիարդ, քսա՞ն, երեսո՞ւն: Զենքե՞ր: Ես պատրաստ եմ այս ամենը քննարկելու նախագահ Թրամփի հետ, ես սա փոխանցել եմ։ Ես ոչ մի էմոցիաներ չունեմ այս կապակցությամբ, ես պատրաստ եմ։ Արդյոք նրանք պրագմատի՞կ գործարք են ուզում: Հիանալի: Եկեք պրագմատիկ խոսենք,- ասել է նա։

 

Զելենսկու խոսքով՝ ԱՄՆ-ն Ուկրաինային տրամադրել է 100 միլիարդ դոլարի օգնություն ռուսական լայնածավալ ներխուժման ժամանակ, մինչդեռ պատերազմի ընդհանուր արժեքը կազմել է 320 միլիարդ դոլար. «Ուկրաինան ԱՄՆ-ից ստացել է 100 միլիարդ օգնություն՝ ոչ 500, ոչ 350, ոչ 250, ոչ 700` 100, և մենք դրա համար շատ շնորհակալ ենք։ Իսկ այս պատերազմի արժեքն այսօր կազմում է 320 միլիարդ՝ 120՝ Ուկրաինա, 100՝ Եվրոպա գումարած այլ գործընկերներ, օրինակ՝ Ճապոնիա` մոտ 15 միլիարդ և 100՝ ԱՄՆ։ Ահա, թե ինչ տեսք ունի այս ողբերգության տնտեսագիտությունը»:

 

- Նման տարր կա՝ 1/2-ով։ Այսինքն, ԱՄՆ-ից յուրաքանչյուր դոլարի դիմաց Ուկրաինան պետք է վերադարձնի երկուսը։ Պարզ ասած, սա 100% վարկ է: Ասում են՝ սա ձեր ֆոնդն է, մենք տնօրինում ենք 50/50։ Ոչ, հիմնադրամի իրավունքները 100% ԱՄՆ-ի համար են։ Իսկ եթե ԱՄՆ-ն Քոնգրեսում քվեարկի մեզ 50 միլիարդ օգնություն տալու համար, մենք պետք է վերադարձնենք վարկի 1/2-ը, այսինքն՝ 100 տոկոսը,- ասել է Ուկրաինայի նախագահը` նշելով, որ այդ կերպ Ուկրաինան ստիպված կլինի ԱՄՆ-ին վերադարձնել 100 միլիարդ դոլար։

 

- Եթե դա անհրաժեշտ է, և մենք չենք կարող առանց դրա, ապա պետք է դա անենք։ Բայց ես մի հարց ունեմ, երբ ԱՄՆ-ն զենք է վաճառում Իսրայելին, Քաթարին, Սաուդյան Արաբիային, նրանք 100%-ո՞վ են աշխատում: Ես երկխոսություն եմ ուզում Թրամփի հետ. Ես երկխոսություն եմ ուզում. «Ես չեմ ստորագրի մի բան, որը կվճարի ուկրաինացիների 10 սերունդ,- ընդգծել է պետության ղեկավարը։

 

Զելենսկին պնդում է, որ տնտեսական համաձայնագրում ներառվեն ԱՄՆ-ի անվտանգության երաշխիքները և նշում է, որ դրանք դեռևս նշված չեն փաստաթղթի նախագծում:

 

- Այսօր Եվրոպայում ամենամեծ բանակներն են ուկրաինական և թուրքական բանակները,- փետրվարի 23-ին Կիևում կայացած մամուլի ասուլիսի ժամանակ հայտարարել է նախագահ Վլադիմիր Զելենսկին։

 

- Ես չգիտեմ, թե որ պահին, ինչ ձևաչափով, ինչ դերում, բայց Էրդողանը գիտե, որ մենք նրան տեսնում ենք մեզ համար անվտանգության կարևոր երաշխավորներից։ Այս մասին խոսել եմ Էրդողանի հետ։ Ես կարծում եմ, որ Եվրոպան պետք է նայի Թուրքիային։ Որովհետև Եվրոպայում երկու բանակ կա՝ ուկրաինական և թուրքական։ Սրանք երկու ամենամեծ բանակներն են,- ասել է Ուկրաինայի նախագահը։