Նախօրեին ՀՀ ազգային դրամը 16 տարեկան դարձավ£ Հիշարժան այս տարեդարձը կարևորելով` ամեն հոբելյարի ուղղվող ավանդական «Շնորհավոր»¬ով ու նույնքան ավանդական բարեմաղթանքներով, ինչպես սովորաբար, կարելի էր սահմանափակվել£ Բայց այս տարեդարձը ազգային արժույթ ունենալու հպարտությունից առաջ լրջագույն մտորումների առիթ է հանդիսանում£ Եվ դրանք ոչ միայն ընթացիկ անբարենպաստ իրադարձությունների և ֆինանսատնտեսական ճգնաժամի ներգործությունների հետ են շախկապվում, այլ նախ և առաջ այն բազում փորձությունների, որոնք նախքան չափահաս դառնալը վիճակվել են մեր ազգային արժույթին£ Այսպես. ինչպես ուրիշ շատերի պարագայում, մեր տնտեսության զարգացմանը նույնպես ամերիկյան դոլարը խանգարել է ու նպաստել£ Իսկ դրամը ծննդյան օրից միշտ էլ խնդիրներ է ունեցել` վերջինիս հետ հարաբերություններ պահպանելու հարցում£ Ընդ որում, դրանք երբևէ հնարավոր չի եղել նախանձելիներից համարել, և արդյունքում` այդ փոխգործակցությանն ուշի¬ուշով հետևողներն էլ մշտապես դժգոհ են եղել հարաբերությունների անկայունությունից, ինչպես նաև դոլարալողից, կուրսի անհեթեթ վայրիվերում ներից... Այնպես որ, դոլարն ի սկզբանե էր հասկացել դրամի հետ իր անհամատեղելիությունը, բայց սա այն դեպքն է, երբ անկախ ցանկություններից` գոնե մեր պարագայում երկու արժույթների «ընկերությունը» ճակատագրով բաժին հասածներից է£ Նույնիսկ սկզբում խոստումնաշատ մուտքով աշխարհ եկած և մոլորակը նվաճել ծրագրող եվրոյի մուտքը փողի շուկայում և փողային հարաբերություններում ոչինչ չփոխեց. նոր արժույթը մեզանում հարաբերակցության ավելի վերին հորիզոնական ընտրեց` իր բարձր դիրքից այդպես էլ չցանկանալով ավելի առարկայական շփումներ ունենալ դոլարի ու առավել ևս` դրամի հետ£ Հետևաբար, մեզանում գերխնդիրը, կամ, որ նույնն է, հնարավոր խնդիրները դրամ¬դոլար հարաբերակցության շրջանակում է£ Եվ չնայած նախորդող 16 տարիների վերելքներին ու վայրէջքներին` ցավալի փաստ է, որ դրամը մշտապես զիջել է իր մրցակցին£ Հանգամանքներն անշեղորեն հօգուտ վերջինիս են դասավորվել£ Իսկ դրան նպաստող գործոնները միշտ էլ քիչ չեն եղել:

Այսօր, երբ Հայաստանը կանգնած է լրջագույն մարտահրավերների առջև, երբ առկա են ղարաբաղյան հակամարտության խաղաղ լուծման և հայ¬թուրքական հարաբերութ յունների կարգավորման գործընթացները, պահանջատիրությունը դառնում է Հայաստանի ամենահրատապ խնդիրներից մեկը, եթե ոչ ամենահրատապը£ Պահանջատիրությունն, ըստ էության, հայրենատիրություն է, այն կոչված է վերականգնելու սեփական հայրենիքից ու ազգային ժառանգությունից զրկված անհատի, ժողովրդի իրավունքը£ Տարօրինակ զուգադիպությա՞մբ, թե ճակատագրի հեգնանքով Ադրբեջանի և Հայաստանի նախագահների հանդիպումը Մյունխենում կայացավ նոյեմբերի 22¬ին£ Խնդիրն այն է, որ 1920 թ. նոյեմբերի 22¬ին ԱՄՆ նախագահ Վուդրո Վիլսոնը կայացրել է Հայաստանի և Թուրքիայի սահմանների վերաբերյալ իր իրավարար վճիռը£ Այն ընդունվել է Ազգերի լիգայի կողմից, բայց մնացել չիրագործված, քանի որ վճռի շահառուն` Հայաստանի Հանրապետությունը, 1920 թ. դեկտեմբերի 2¬ին դադարեց գոյություն ունենալ£ Սակայն նախագահ Վուդրո Վիլսոնի իրավարար վճիռը վերջնական և անբեկանելի է, ինչն ամրագրված է միջազգային վեճերի խաղաղ կարգավորման Հաագայի կոնվենցիայում և այսօր էլ պահպանում է իր օրինականությունը£ Ըստ այդմ, Հայաստանի մանդատը ներառում է նաև Արևմտյան Հայաստանի վեց վիլայաթները` ավելի վաղ կնքված Սևրի պայմանագրի համաձայն£ Ահա թե ինչու է թուրք¬ադրբեջանական տանդեմը ջանում խեղաթյուրել ճշմարտությունը… Ղարաբաղյան հակամարտության խաղաղ կարգավորման առումով, Հայաստանի և Ադրբեջանի նախագահների մյունխենյան հանդիպումից մեզանում, թերևս, ոչ ոք ակնկալիք չուներ:

Մոլեգնող ֆինանսատնտեսական ճգնաժամը ստեղծել է մի իրավիճակ, որն անչափ նման է (եթե չասենք ուղղակիորեն հիշեցնում է) ճիշտ տասը տարի առաջ տեղի ունեցած իրադարձություններին£ Աստված, իհարկե, թող հեռու պահի այն վախճանից, ինչով այն ժամանակ եզրափակվեց վարչապետ Վազգեն Սարգսյանի տնտեսական քաղաքականութ յան արմատական վերանայման նախաձեռնությունը£ Բայց դժվար չէ նկատել, որ երկու դեպքերում էլ թիրախը նույնն է` բոլոր հնարավոր տարբերակներով, ինչպես ժողովուրդը կասեր` համը հանած օլիգարխիան£ Ընդ որում, եթե հեռավոր 1999¬ին դեռ նոր¬նոր ձևավորվող այս խավին կարգի հրավիրելու խնդիրը կար, ապա ներկայում «վերջնական տեսքի բերված» և նորացված արտահայտությամբ` օլիգոպոլիա կոչվածին խելքի բերելը տնտեսական ճգնաժամի հաղթահարման ամենաուղղակի միջոցներից է համարվում£ Իսկ թե խոսքը մոտավորապես քանի մարդու է վերաբերում, վարչապետ Տիգրան Սարգսյանի նախանշած 500 կլորիկ թիվն անկասկած գերազանցեց բոլորիս պատկերացումները£ Համենայն դեպս, այս քանակով հայտնի (և ոչ այնքան) մարդկանցից է գործադիրի ղեկավարը հայտարարագրերի լրացման պատրաստակամություն ակնկալում... Նման փորձեր, իհարկե, բազմիցս են ձեռնարկվել, բայց դրանք կամ հանրության ամենաքմահաճ այս հատվածի արհամարհանքին են արժանացել, կամ էլ այնպիսի զավեշտալի բովանդակությամբ են ամփոփվել, որ մեզ հայտնի չախ¬չախ թագավորներն իրենց եկամուտներով ակամայից եկել հավասարվել են միջին վիճակագրական պատահած հայաստանցու... Եվ փաստորեն այն, ինչը մինչև հիմա զավեշտի շրջանակներից այն կողմ չի անցել, գործադիրի արմատական մոտեցման արդյունքում փորձ է արվելու լիարժեք քողազերծ ման ենթարկել... Ով ով, բայց Տ. Սարգսյանը լավ գիտի, որ հենց այս պահին նման հայտարարագրերի լրացման գործընթաց Պետեկամուտների կոմիտեի կողմից ինչ¬որ ձևով իրականացվում է£ Հետևաբար կարելի է ենթադրել, որ դրա նորացումը բոլորովին նոր բովանդակութուն և աշխարհագրություն պետք է ունենա£ Այն, որ ասենք 500 կամ մոտ 500 ամենակարողներ կանկեղծանան, գոնե հանրությունը դրանից ոչինչ էլ չի շահի£ Ավելին, եթե Վարչապետի տվյալներով մեր ժամանակներում հանրությանն ամենաշատը սոցիալական արդարության հիմնահարցն է հուզում, ապա հանրահայտ օլիգարխների ունեցած¬չունեցածին մեկիկ¬մեկիկ տեղեկանալով ու գոնե հոգեբանորեն բևեռացման եզրերն իրարից է°լ ավելի հեռացնելով, միայն զանգվածների և «ընտրյալների» տարբերությունը կընդգծվի£ Սա° է ամենակարևոր նրբերանգը£ Ընդ որում, այնքան բացահայտ, որ դրա հերթական և թեկուզ նորովի արժևորումը միմիայն սոցիալական արդարության հասարակական հույսերը կնվազեցնի£ Եթե ընչազուրկ հատվածներին ի ցույց` ավելի են որոշակիացվում նշված մի քանի հարյուր մարդու իրական-մոտավոր կարողությունները, կասկածից վեր է, որ դրանք ավելին են լինելու, քան հնարավոր է պատկերացնել£ Ուստիև խնդիրը բոլորովին էլ ուրիշի փողերը հաշվելու և դրանով նույն այդ փողի պակասից դժգոհ հատվածների «աչքը ծակելու» մղումը չէ£ Հարցը ստվերի դեմ պայքարի, կամ, ինչպես տասը տարի առաջ էր ասվում` խավարն անիծելու փոխարեն մի¬մի մոմ վառելու պարզ տրամաբանության շրջանակում է, ինչն էլ ըստ ամենայնի առաջիկայում պետական գործառույթի է վերածվել£ Շրջանակ, որ պետության ու հասարակության կոկորդը սեղմող օղակի է վերածվել` այլևս խախտած լինելով նաև հանդուրժողականության բոլոր հնարավոր սահմանագծերը£ Ահավասիկ, ցինիզմի պատկերացնելի բոլոր սահմանները տրորելով, նախորդ շաբաթ մի օլիգարխ-գործարար իր ներկրած ապրանքատեսակի թանկացման առթիվ «անկեղծացավ», թե ինքը ոչնչից տեղյակ չէ, հանրապետությունում չի եղել, և իր այդ բիզնեսը ընտանիքի անդամներից մեկն է տնօրինում... Ահա ճգնաժամի անհաղթահարելի մնալու և չարդարացվող գնաճի պարզունակ մի օրինակ£ Սակայն այնպես է ստացվել, որ գնաճի համար բոլորը բոլորին մեղադրում են, բայց իրական մեղավոր(ներ) այդպես էլ չեն հայտնաբերվում£ Հենց այս ամենն էլ մռայլում է սոցիալական անարդարության մասին հասարակական պատկերացումները` ինքնըստինքյան այդ մի արատը նույնպես անբուժելիների շարքը դասելով£ Բայց, ինչպես ենթադրեցինք, հայրենի օլիգարխների դիմակների պատռման նախաձեռնությունն ամենայն հավանականությամբ բոլորովին հակառակ նպատակն ունի£ Այլապես անհավասարության գծից անդին գտնվողներն ու այդ անհավասարության խորացումը խթանողները հայտնվել են ճիշտ այն հավասար¬զուգահեռ գծերի կարգավիճակում, որոնք երբեք չեն հատվում, բայց երբեք էլ հավասարեցում չեն նշանակում:

ԺՈՂՈՎՈՒՐԴՆ, իսկապես, չի սխալվում` բոլոր տիպի ընտրական գործընթացների հանդեպ խորն անտարբերություն դրսևորելով:

Սբ. Նշան մատուռի Սբ. Սեղանների Մեծ խանդավառությամբ կատարվեց Կեչառիս վանական համալիրի Սբ. Կաթողիկե եկեղեցու և Սբ. Նշան մատուռի Սբ. սեղանների օծումը` ձեռամբ Կոտայքի թեմի առաջնորդ Տ. Առաքել եպս. Քարամյանի: Կեչառիսի վանական համալիրը միջնադարի հավատքի, գիտության, մշակույթի նշանավոր ու փառավոր կենտրոն է եղել:

Ժողովրդի դժգոհությունը ընդդիմությունից «Մենք ենք, մեր սարերը _ 2009» ԺՈՂՈՎՈՒՐԴ - Ախր, քնում ես… ԸՆԴԴԻՄՈՒԹՅՈՒՆ _ Չեմ քնում, է¯, չեմ քնում… ԺՈՂՈՎՈՒՐԴ - Լա°վ, բա հետո… ԸՆԴԴԻՄՈՒԹՅՈՒՆ _ (քնելով) Հետո¯… Հետո¯… կատուն փստաց:

2009¬ը, կարծես, բարեբեր չէր քաղաքական այն ուժերի համար, որոնց գործելաոճը դեպքից¬դեպք աղմկարարությամբ ինքնածանուցումն է£ Երկրում հաստատված կայունությունը կուսակցություններից ինքնադրսևորման գործնական քայլեր է պահանջում£ Եվ հասարակությունն էլ արդեն կոնկրետ գործերով է գնահատում գործիչներին ու նրանց ղեկավարած կառույցները£ Բառատարափային աղմկարարությունն, այսինքն, դուրս է մղվում` նսեմանալով հավատ ներշնչող ձեռնարկումների առջև£ Հենց այս առումով մեզանում եղած կուսակցությունները հաշվելիս` մեկ ձեռքի մատներն էլ կարող են շատ թվալ... «Բարգավաճ Հայաստան» կուսակցությունը գրանցվել է 5 տարի առաջ, բայց բուռն գործունեությամբ ճանաչումը 2006¬ից է£ - Ինչպիսի՞ն էր անցնող տարին` ԲՀԿ համար£ Կուսակցության անդամներն ու համակիրները ոգևորված պնդում են` - Ձեռքբերումների, հեղինակության աճի ու վստահության ամրապնդման տարի£ Կուսակցության քաղաքական խորհրդի անդամ, ՀՀ ԱԺ Եվրոպական ինտեգրման հարցերի մշտական հանձնաժողովի նախագահ Նաիրա ԶՈՀՐԱԲՅԱՆԸ փաստերով է հիմնավորում այդ պնդումը£ Ամենակարևորը` նա չի էլ անդրադառնում հասարակության հետ անմիջականորեն հարաբերվելու լավագույն միջոց դարձած բազմաթիվ ու բազմապիսի այն միջոցառում ներին, որոնք տարբեր վայրերում կազմակերպվում են ԲՀԿ նախաձեռնությամբ ու շատ հաճախ` հենց կուսակցության առաջնորդի մասնակցությամբ£ «Քաղաքականությունը մարդկանց հետ հարաբերվելու արվեստ է» - Որպես կոալիցիոն կառավարության անդամ` ԲՀԿ¬ն բնականաբար լուրջ ներդրում ունեցավ հակաճգնաժամային ծրագրի կազմման գործում` մեր տնտեսությանը սպառնացող խնդիրները կարգավորելու առումով£ Կուսակցական աշխատանքների առումով` տարին բավական արդյունավետ էր «Բարգավաճ Հայաստան»-ի համար£ Կարծում եմ` ամենքին է նկատելի, որ այն հաջողությամբ ամրապնդում է դիրքերը ներհայաստանյան քաղաքական արենայում ու նաև ընդարձակում կապերն արտերկրում£ Անշուշտ, բոլորն են տեղյակ` ԲՀԿ նախագահ Գագիկ Ծառուկյանի վերջին այցերից£ Խորվաթիայի նախագահի հրավերով նա եղավ այնտեղ` հետագա համագործակցության ուղիներ նախանշելով£ Ուկրաինայի «Ռեգիոններ» կուսակցության հետ մենք հուշագիր ենք վավերացրել, և վերջերս էլ ԲՀԿ նախագահը հրավիրված էր նրանց համագումարին£ Փոխգործակցում ենք Ռուսաստանի իշխող` «Եդինայա Ռոսիա» կուսակցության հետ, և 3 օր առաջ, անձամբ Գրիզլովի հրավերով Գ. Ծառուկյանը մասնակցեց նրանց համագումարին ու հանդիպումներ ունեցավ բարձրաստիճան պաշտոնյաների հետ£ Զարգացման լուրջ միտում ունեն մեր սերտ կապերը Չինաստանի միակ (և, իհարկե` իշխող)` կոմկուսի հետ£ Բուլղարիայում ևս բարձրաստիճան պաշտոնյաների հետ պարոն Ծառուկյանի հանդիպումները միջկուսակցական հարաբերությունների ամրապնդման նպատակին ծառայեցին... Այս ամենը փաստում են, որ «Բարգավաճ Հայաստանը», հանձին իր առաջնորդի, շատ ակտիվ, նախաձեռնողական քաղաքականությամբ է զբաղված նաև արտերկրի գործընկերների հետ£ Փորձելով դառնալ արտաքին քաղաքական գերակայություններից մեկը, կուսակցության նախագահը ստանձնել է միջազգային եվրոպական շարժման բաղկացուցիչ մաս կազմող` Հայաստանի եվրոպական շարժման հովանավորությունը` դառնալով դրա պատվավոր նախագահ£ Մեզ համար, իրոք, կարևոր է եվրոպական միասնական ընտանիքին թե° քաղաքական, թե° տնտեսական ինտեգրումը£ Եվ, կարծում եմ, դա լուրջ քայլ էր` կուսակցության կայացման ու նրա հորիզոնի ընդլայնման տեսանկյունից£ Վստահորեն կարող եմ ասել, որ այսօր քաղդաշտի ամենաազդեցիկ ուժերից մեկն է` թե° դե յուրե, թե° դե ֆակտո£ Մեր մտահոգությունների շրջանակում է կուսակցական կադրերի հերթափոխ պատրաստելու խնդիրը£ Գաղտնիք չէ, որ կուսակցությունները շատ դեպքերում համալրվում են պատահական մարդկանցով, ովքեր ըստ էության նույնիսկ գաղափար չունեն, թե ինչ է քաղուժը, ինչ խնդիրներ է հետապնդում, ինչին է միտված կուսակցության տեսլականը£ Կամ, ընտրությունից¬ընտրություն, այսպես կոչված «լիկրեզներ» (անգրագիտության վերացում¬խմբ.) են անցկացվում` ընտրական հանձնաժողովների անդամների համար, որպեսզի վերջիններս տիրապետեն Ընտրական օրենսգրքի օրենքներին£ Ու պիտի ասեմ, որ դա առանձնապես արդյունավետ չէ£ Այս առումով մենք կարևորում ենք կուսակցական դպրոցների գոյությունը և մարզերում ու մայրաքաղաքում հիմնում ենք այդպիսի հաստատություններ, որոնցում պատրաստվող կադրերն ակտիվորեն ներգրավվելու են քաղաքական գործունեության մեջ£ Հայաստանյան քաղաքական մշակույթում այս ձեռնարկումն իրապես կարելի է նորամուծություն համարել£ Այդպիսով լուրջ հիմքեր ենք ստեղծում` կուսակցությունն ուժեղացնելու, քաղաքական ասպարեզում մեր տեղն ավելի ամրապնդելու£ - Ինչպե՞ս եք գնահատում ներքաղաքական իրավիճակը և տեսնո՞ւմ եք համագործակցության եզրեր, որոնք վերջին հաշվով ոչ թե օտարման, ոչ թե մթնոլորտի անհաշտ թեժացումների, այլ ջանքերի համատեղման կհանգեցնեն` ի նպաստ պետության կայացման£ Առավել ևս` այսօր, երբ ազգովի կանգնած ենք լուրջ մարտահրավերների ու հեռահար խնդիրների լուծման ճանապարհին£ - Դարձյալ վերջերս Բելառուսում տեղի նախագահի հետ Գ. Ծառուկյանի հանդիպման ընթացքում նախանշվեցին տնտեսական գործուն ծրագրեր£ Դրան հաջորդեց բելառուս գործարարների այցը Հայաստան, որի շրջանակներում որոշակիացվեցին ոլորտներ, որտեղ ներդրումներ կկատարվեն£ Հասկանալի է, որ դա լրացուցիչ խթան կլինի մեր երկրի համար£ Ասել է թե` մեր կուսակցության ղեկավարը կուսակցության և ինչու չէ, նաև անձնական կապերն անպայմանորեն փորձում է օգտագործել երկրի տնտեսական հզորացմանը նպաստելու համար, ի շահ Հայաստանի Հանրապետության բարգավաճման ու զարգացման£ Ինչ վերաբերում է քաղաքական իրավիճակին, ապա ԲՀԿ նախընտրական ծրագրում հատուկ նշված է, որ կուսակցությունը քաղաքական և քաղաքացիական հանդուրժո ղականություն քարոզող քաղուժ է£ Ի սկզբանե ու միշտ մենք հանդես ենք եկել հենց այդ դիրքերից և կողմնակից ենք ձևավորել քաղաքական նոր մշակույթ, որտեղ չպետք է լինեն բարիկադներ, որտեղ ընտրությունները չպետք է վերածվեն առճակատումների£ Պիտի հիշեցնեմ, որ տխրահռչակ Մարտի 1¬ից առաջ էլ մեր կուսակցությունը հանդուրժո ղականության կոչ էր անում` ասելով, որ չկան խնդիրներ, որոնք հնարավոր չէ լուծել միասնական օրակարգով£ Հիշո՞ւմ եք` որոշ գործիչներ մեզ մեղադրեցին, թե ԲՀԿ¬ն խաղաղության աղավնու դեր է ստանձնել£ Սակայն ժամանակը և ցավալի իրադարձությունը փաստեցին մեր իրավացիությունը£ Իսկապես, տեսականորեն, թե գործնականում չեն կարող լինել խաղաղ լուծում չունեցող խնդիրներ£ Այս տեսակետի կողմնակիցն էր նաև ՀՀ նախագահ Սերժ Սարգսյանը, ով Հանրապետության հրապարակում հնչեցրած իր հետընտրական ելույթով բոլորին միասնականության, մեր վաղվա օրը միասնաբար կերտելու կոչ արեց£ Ցավոք` այն ժամանակ այդ կոչն անարձագանք մնաց£ Չգիտեմ` ով ինչպես է մեկնաբանում Լևոն Տեր¬Պետրոսյանի ելույթը, բայց այնտեղ ևս ես բավական դրական ազդակներ նկատեցի առ այն, որ արմատական ընդդիմությունն ի վերջո հասկացավ` առճակատումը (մանավանդ` ինքնանպատակ) որևէ դրական արդյունքի չի կարող հանգեցնել£ Ճիշտը հիմնակառույց բոլոր` այդ թվում և° ցավոտ, և° առաջին հայացքից անլուծելի թվացող հարցերը համատեղ քննարկելն է£ - Այսինքն, եթե հակիրճ` քաղաքակիրթ մրցակցություն, այլ ոչ թե ամբոխավար հակամարտություն£ - Այո°£ Այլ խնդիր է, որ մեզանում մրցակցությունը հաճախ ընկալվում է առճակատում, պատերազմ, բարիկադ£ - ԲՀԿ վերաբերմունքը` վերջին ամիսներին Հայաստանն ու Սփյուռքը փոթորկած հայ¬թուրքական առնչությամբ£ - Նախընտրական մեր ծրագրում հստակորեն նշված է, որ ԲՀԿ¬ն կողմ է բոլոր հարևանների հետ բարիդրացիական ու բնականոն հարաբերությունների հաստատմանը£ Թուրքիայի առնչությամբ էլ որոշակիորեն նշվում է, որ Հայոց ցեղասպանության միջազգային ճանաչումը պետք է մնա մեր երկրի արտաքին քաղաքականության գերակայություն ներից և արտաքին քաղաքականության կարևորագույն բաղադրիչներից մեկը£ Ստորագրված արձանագրություններում մեր պետական, ազգային գերակա շահերը ոտնահարող որևէ դրույթ չկա£ Վառ կամ կիսավառ հոռետեսական երևակայություն գործի դնելիս` ամեն տեսակի ենթատեքստեր կարելի է հորինել£Բայց պետք է իրատես լինենք և ճիշտ ընկալենք իրականությունը£ 1993¬ին Թուրքիան միակողմանի փակեց Հայաստանի հետ սահմանը և այս ողջ ընթացքում դրա վերացման ու բնականոն հարաբերություններ հաստատելու համար մերժելի նախապայմաններ էր առաջարկում£ Այսօր նույն Թուրքիան գնում է առանց նախապայմանների հարաբերությունների հաստատման, ինչը պնդում են նաև միջնորդ ու հզոր տերությունների, Եվրամիության ներկայացուցիչները£ Իսկ թե թուրք պաշտոնյաներն ինչ հայտարարություններ կանեն` տարբեր լսարանների, Ադրբեջանի լսելիքը շոյելու համար կամ իրենց ներքին խնդիրներից ելնելով` դա մեզ չպետք է մտահոգի. համենայն դեպս` այնքան ժամանակ, քանի դեռ Հայաստանի հետ պաշտոնական բանակցությունների ու պաշտոնական երկխոսության ընթացքում նախապայման չի առաջադրվել:

ՀՀ ՆԱԽԱԳԱՀԻ ՄԱՄՈՒԼԻ ՔԱՐՏՈՒՂԱՐ ՍԱՄՎԵԼ ՖԱՐՄԱՆՅԱՆԻ ՊԱՐԶԱԲԱՆՈՒՄԸ - Ադրբեջանի Նախագահը մյունխենյան հանդիպումից մեկ օր առաջ հանդես եկավ հերթական ռազմատենչ հայտարարությամբ, ըստ էության, սպառնալով պատերազմով: Ի՞նչ կանի Հայաստանը, եթե Լեռնային Ղարաբաղի խնդրի հետ կապված լարվածությունն իսկապես աճի:

Բնագիտության և ռազմագիտության ոլորտների համագործակցությունը նպաստավոր է երկրի զարգացման ու անվտանգության համար: Նոյեմբերի 20-ին ԵՊՀ օտարերկրյա քաղաքացիների նախապատրաստական ֆակուլտետում մեկնարկեց «Բնագիտությունը 21-րդ դարում. Ուսուցման հիմնախնդիրներ և լուծումներ» խորագիրը կրող համահայկական երկրորդ կրթական գիտաժողովը:

ՀՀ պաշտպանության նախարարի հրամանով` 2009թ. աշնանային զորակոչի անցկացման գործընթացի թափանցիկության ապահովման, զորակոչի ընթացքում քաղաքացի ների դիմումներն ու բողոքները քննարկելու և դրանց արագ լուծում տալու նպատակով ստեղծվել է հանձնաժողով:

Աշխարհում, հավանաբար, չկա որևէ ընդդիմադիր քաղաքական ուժ, որն իր նպատակը չհամարի երկրի գործող իշխանությունների վարկաբեկումը:

Պատճառը «Ահշամ» թերթի թղթակցուհի Ալչի Նահետխանի այցն է Արցախ, այն էլ` առանց իրենց հետ համաձայնեցնելու, քանի որ դա իրենց տարածքն է: Ավելին, սակայն, Ալչին նաև հայտարարել է, որ Լեռնային Ղարաբաղը հայկական տարածք է:

- Մարտիկների մոտ հայտնաբերված աուդիոզեկույցները վկայում են, որ դրանցով «Ալ¬Քաիդա»¬ի գործակալներն ու Վրաստանի հատուկ ծառայությունների ներկայացու ցիչները կապեր են հաստատել միմյանց հետ£ Նա պնդում է, որ Վրաստանը «մասնակցել է» ահաբեկիչների պատրաստմանն ու Չեչնիայի Հանրապետության տարածք տեղափոխմանը£ Մոսկվան նույնպես հայտարարում է, որ Թբիլիսին զենք է մատակարարում հարևան Դաղստանին£ Լիովին հուսալի տեղեկատվություն կա, որ 2004 թ. Սահակաշվիլիի իշխանության գալուց հետո չեչեն մարտիկ` Բեսլանում զանգվածային սպանդ կազմակերպած Շամիլ Բասաևը գաղտնի հանդիպում ունեցավ Վրաստանի ներքին գործերի նախարարի հետ և իբր, հավաստիացում ստացել, թե նոր նախագահը կաշխատի չնկատել Պանկիսի կիրճում կատարվածը£ Հարավային Կովկասում «Ալ¬Քաիդա»¬ի գործողությունները գլխավորող Դոկու Ումարովն Աֆղանստանում վիրավորվելուց հետո բուժվել է թբիլիսյան հոսպիտալում£ Ասում են` նրա նախկին ղեկավար Ռուսլան Գելաևը, որը 2004 թ. ոչնչացվեց ռուսաստանցի սահմանապահների կողմից` Վրաստան փախչելու պահին, Սահակաշվիլիի մտերիմ ընկերն է եղել£ Վրացական իշխանությունները ջերմորեն ընդունեցին Գելաևին ու նրա մանկլավիկներին, որովհետև նա խոստացել էր Մոսկվայի կողմից վերահսկողությամբ ինքնորոշված Աբխազիայի տարածքում բռնությունների ալիք կազմակերպել£ Սահակաշվիլին գործնականում այդ տարածքից զրկվեց` անցյալ տարի Ռուսաստանի հետ օգոստոսյան հնգօրյա պատերազմից հետո£ Բայց քանի որ Արևմուտքն այսօր հատուկ աջակցություն չի ցուցաբերում Սահակաշվիլիին, իսկ Օբամայի վարչակարգը ձգտում է «գերբեռնել» իր հարաբերությունները Ռուսաստանի հետ, Վրաստանը դադարել է լինել ժողովրդավարության այն ջահը, որպիսին նրան պատկերացրել է Թբիլիսիի հետ մեծ հույսեր կապող ԱՄՆ¬ը£ Սահակաշվիլին ժողովրդավարությունից երես է դարձրել դեպի ինքնակալություն£ Նա վանդակն է նետում քաղաքական ընդդիմախոսներին և միլիոնավոր դոլարներ է վճարում վաշինգտոնյան լոբբիստներին ու PR¬գործակալություններին, որպեսզի սատարեն մշտապես վատթարացող իր վարկանիշին£ Եվ դա անում է այն պահին, երբ իր երկիրը տնտեսական լուրջ զրկանքներ ու դժվարություններ է ապրում£ Վրաստանում գործազրկությունը կազմում է ավելի քան 13 %. սա նախկին խորհրդային հանրապետությունների շրջանում ամենաբարձր տոկոսներից է£ Ու այդուհանդերձ, Սահակաշվիլին Հուլիո Իգլեսիասին 1 մլն դոլարից ավելի է վճարում, որպեսզի նա ամանորյա երեկոյին երգի Բաթումիում£ Գուցեև ամերիկյան ժողովրդի համար միևնույն է, թե ինչ է կատարվում Աբխազիայում ու Հարավային Օսիայում, սակայն Օբամայի վարչախմբին այնքան էլ չեն ուրախացնի պնդումները` որ մեր դաշնակիցն օգնում է ահաբեկիչներին£ Պանկիսի կիրճը, ուր գործում են ահաբեկիչները, այսօր համարվում է աշխարհում ամենավտանգավոր տարածքներից մեկը և կարող է վերածվել նոր Վեզիրստանի (դա Պակիստանում ահաբեկչության ամենաանհանգիստ օջախն է)£ Վրաստանը, որը տարածքով մեծ չէ Մերիլենդից, ամեն տարի ԱՄՆ¬ից 5 միլիարդ դոլարի չափ օգնություն է ստանում£ Թե այդ փողերից ինչքանն է հասնում Վրաստանի ժողովրդին` կարելի է միայն գուշակել£ Համենայն դեպս մենք գիտենք, թե վրացական բյուջեից ուր է գնալու 1 միլիոն դոլարը` Հուլիո Իգլեսիասի գրպանը, ով պետք է ազդարարի 2010 թվականի գալուստը£ :

Արտաշես Քալանթարյանի «Վաճառքի ենթակա չէ» դրաման Վանաձորի Հովհաննես Աբելյանի անվան պետական դրամատիկական թատրոնի բեմում Ներկայացումն այսօր իրավամբ կարելի է համարել մեր թատերարվեստում առկա լուսավոր կետերից մեկը:

Միշտ այդպես է եղել. մինչ վրացի «հնագետներ-ճարտարապետները» կորոշեն, թե հայկական եկեղեցին հայկակա՞ն է, նորմալ մարդիկ միմյանց օգնել են ամենուրեք:

Արդեն մեկ տասնամյակ է` Երևանի «Վասպուրական» մանկապատանեկան երգի-պարի թատրոնը (ղեկավար` Անահիտ Խեչումյան) և նախկինում Ղուկաս Ղուկասյանի անունը կրող պիոներ-պալատի փողային նվագախումբը (ղեկավար` Հայկ Մկրտչյան) երաժշտական պրոդյուսեր Հովհաննես Ավետիսյանի աջակցությամբ այցելում են Աջարիա և հանդես գալիս համերգներով, առանձին ելույթներով:

Ինչպես նշել էին ռուսաստանյան աղբյուրները` Վալերի Լեոնտևը` վերջերս Մայամիում անցկացրած հանգիստը նվիրել է… 1 շաբաթական երեխայի խնամքին: - Դուք այս փոքրիկի հա՞յրն եք,- հարցին Լեոնտևը պատասխանել է. - Թող մարդիկ մտածեն` ինչ ուզում են: