Համեմատության համար նախ նշենք, որ Հայաստանում կենսաթոշակի միջին չափը կազմում է մոտ 40 400 դրամ (84 դոլար): Ազգային վիճակագրական ծառայության հրապարակած ոչ պաշտոնական տվյալներով՝ 2017 թվականի հունիսի վերջին նվազագույն սպառողական զամբյուղը կազմել է 51.200 դրամ: Միջին կենսաթոշակը ընդգրկում է դրա միայն 75 տոկոսը:

 

Այնպես որ՝ անվերջ շարունակվող գնաճի երկիր Հայաստանը Ուգանդան չէ, որտեղ  ամսական 100 դոլար եկամուտը  հարստության չափանիշ է:

 

Պետության սոցիալական պատասխանատվության մակարդակը կարելի է հեշտությամբ գնահատել կենսաթոշակառուների կյանքի որակով: Ի վերջո, կենսաթոշակը, ըստ էության, քաղաքացու պարգևն է` տասնամյակների աշխատանքի համար: Այս վարձատրությունը, սակայն, ծանրաբեռնում է պետական բյուջեն, և ոչ բոլոր երկրներն են կարողանում բարեկեցիկ կյանք  ապահովել իրենց տարեց քաղաքացիների համար: Մինչդեռ կենսաթոշակային հատկացումների չափն ավելի շատ բան է պատմում պետության սոցիալականության մասին, քան պաշտոնյաների ցանկացած հայտարարություն:

 

Վաստակաշատ իր քաղաքացիներին ապահով ծերություն պարգևելու առումով մեր կառավարությունն, իհարկե, դեռևս չի կարող իրեն հանգիստ զգալ: Եվ՝ ոչ միայն կենսաթոշակառուների մասով: Բայց այս դեպքում մեր բյուջեի տկարության մասին չէ խոսքը, այլ՝ ավելի ապահով երկրներում կենսաթոշակների չափերի:

 

Նախևառաջ հարկավոր է հասկանալ, որ գումարաչափերի ուղղակի համեմատությունը այնքան էլ ճիշտ չէ: Տարբեր երկրներում շատ տարբեր են ապրելու արժեքները: Օրինակ, ԱՄՆ-ում 100 դոլար ամսական եկամուտը աղքատության սահմանագծից էլ դուրս է, իսկ Ուգանդայում դա հարստության չափանիշ է:

 

Ամերիկայի Միացյալ Նահանգներում կենսաթոշակային տարիքը 67-ն է: Միջին թոշակը՝ ամիսը 1500 դոլար:

 

Կենսաթոշակ ստանալու համար տասը տարի պետք է սոցթոշակի համար հարկ վճարել՝ աշխատավարձի 15%-ը:

 

Կորպորատիվ կենսաթոշակի համար հարկ է 5-6 տարի աշխատել որևէ ընկերությունում (թոշակի համար հատկացվող գումարի առավելագույն չափը կազմում է տարեկան 18.000 դոլար): Կարելի է նաև ինքնուրույնաբար ցանկացած գումար հատկացնել կենսաթոշակային հաշվին: 

 

Իսրայելում 60-62 տարեկաններին տրվում է տարիքային նպաստ ստանալու իրավունք:

 

Միջին թոշակը 1.500 դոլար է (եթե 30 տարի գումար է փոխանցվել կենսաթոշակային հիմնադրամին):

 

Մեծ Բրիտանիայում կենսաթոշակային տարիքը 60-65-ն է: Միջին թոշակը՝ ամսական 1.590 ֆունտ (մոտ 2000 դոլար):

 

Չինաստանում կենսաթոշակ կարող են ստանալ 50-60 տարեկան քաղաքացիները՝ առնվազն 15 տարի աշխատավարձի 11% -ը հատկացրած լինելու դեպքում: Միջին թոշակն ամսական 1000 յուան է՝ մոտ 150 դոլար:

 

Ռուսաստանի Դաշնություն. Կենսաթոշակային տարիքը՝  55-60, ամսական միջին թոշակը՝ 12,406 ռուբլի (մոտ 200 դոլար)՝ եթե աշխատավարձի 22% -ը հատկացվել է կենսաթոշակայինին: 

 

Նոր Զելանդիայում միջին կենսաթոշակը 426 դոլար է: Դրա չափը ուղղակիորեն կախված է ծառայության երկարությունից և եկամուտների մակարդակից: Հետաքրքիր է, որ ամուսնական զույգի միջին կենսաթոշակը ավելի ցածր է, քան միայնակներինը: Միայնակ կենսաթոշակառուն միջին հաշվով ստանում է $ 554.12՝ հարկեր վճարելուց հետո: 

 

Սյստեղ կենսաթոշակային տարիքը 65-ն է:

 

Արաբական Միացյալ Էմիրություններ. միջին կենսաթոշակը 3000 դոլար է: Կենսաթոշակային չափը կազմում է վերջին եկամուտների մոտ 80% -ը:

 

ԱՄԷ- ում կենսաթոշակային տարիք ամրագրված չէ: Ցանկացած տարիքում կարելի է թոշակ ձևակերպել, եթե անձն ունի 25 տարվա

աշխատանքային ստաժ: 

 

Աշխատավարձը և, համապատասխանաբար, կենսաթոշակի չափն անմիջականորեն կախված են կրթության մակարդակից:

 

Նիդերլանդներում միջին կենսաթոշակը 1400 դոլար է: 50 տարուց ավելի այստեղ ապրող յուրաքանչյուր ոք պետական կենսաթոշակ ստանալու իրավունք ունի: Դա նշանակում է, որ մինչև կենսաթոշակային տարիքը հասնելը (65 տարեկան) մարդը ստիպված է աշխատել: 

 

Լեհաստանում միջին կենսաթոշակը 440 դոլար է, կենսաթոշակի տարիքը՝ 67:

 

Լեհաստանում միջին կենսաթոշակը 1470 զլոտի է (353 եվրո կամ 440 դոլար): Այս պահին կենսաթոշակային վճարների 75% -ը տրամադրվում է սոցիալական ապահովագրության համակարգով, եթե տղամարդկանց աշխատանքային ստաժն առնվազն 25 տարի է, իսկ կանանցը՝ 20 տարի:

 

Իսպանիան երբեմն անվանվում է «Մեքքա՝ ամբողջ Եվրոպայի կենսաթոշակառուների համար», որովհետև այն առանձնանում է առաջին անհրաժեշտության ապրանքների և ծառայությունների ցածր գներով:

Միջին կենսաթոշակը 800 դոլար է, վաստակած հանգստի անցնելու տարիքը՝ 65-67:

 

Կենսաթոշակը կազմում է միջին աշխատավարձ 60-80%, իսկ երբեմն էլ՝ մինչև 100%-ը:

 

Մեքսիկայում նվազագույն կենսաթոշակ սահմանված չէ: Կենսաթոշակային տարիքը 65-ն է: