Ամերիկյան կառավարությունը պատահաբար քաղաքացիական անձի է հանձնել գաղտնի թղթապանակը, որը պարունակում է մարդու վրա հեռավորությունից և առանց ֆիզիկական շփման ներգործելու վերաբերյալ ուսումնասիրություններ: Խոսքը մարդկանց մտավոր և հոգեկան աշխարհը կառավարող «հոգեէլեկտրական զենքի» մասին է:

 

Բոստոնցի լրագրող Քերտիս Ուոլթմանը ընդամենը մտադիր է եղել տվյալներ հավաքել ԱՄՆ-ում հակաֆաշիստական շարժման վերաբերյալ և այդ նպատակով դիմել է Վաշինգտոնի նահանգի տեղեկատվական կենտրոն: Եվ քանի որ թերթի աշխատակիցը բողոքարկել է «Տեղեկատվության ազատության մասին» օրենքը, պաշտոնյաները ստիպված են եղել նրան հանձնել «հարկավոր» փաստաթղթերը:

 

Այսպիսով՝ ամերիկյան կառավարությունը պատահաբար քաղաքացիական անձի է հանձնել գաղտնի թղթապանակը, որը պարունակում է մարդու վրա հեռավորությունից և առանց ֆիզիկական շփման ներգործելու վերաբերյալ ուսումնասիրություններ: Խոսքը մարդկանց մտավոր և հոգեկան աշխարհը կառավարող «հոգեէլեկտրական զենքի» մասին է: 

 

Փաստաթղթերում ոչ մի նշում չկա, թե ով է այս չարագուշակ փաստաթղթի հեղինակը, սակայն Քերտիսը տրամաբանորեն ենթադրում է, մարդու վիճակի և պահվածքի վրա էլեկտրամագնիսականության և այլ արմատական փոխազդեցությունների ներգործությունը կարող էին հետազոտել հենց «ժողովրդավարության ամրոցի» իշխանությունները: Սա ասես «Գաղտնի նյութերի» հերթական դրվագը լինի (մեկնաբանում է տեղեկությունը հրապարակող esoreiter.ru-ն), սակայն, դժբախտաբար, այս ամենը իրականություն է: 

 

Այստեղ հրապարակվում են այդ հանելուկային ու վախեցնող հետազոտությունների սոսկ մի քանի կետերը.

 

- հիշողության ստիպողական մաքրում,

 

- հույզերի վերահսկում,

 

- լսողության կառավարում՝ ընդհուպ մինչև լիովին անջատում և ձայնային զգայախաբությունների հարուցում,

 

- ականջներում միկրոալիքային ձայնային տպավորությունների և հնչողությունների հարուցում, 

 

- տեսողական զգայախաբությունների հարուցում,

 

- անտանելի ցավի հարուցում աչքերում,

 

- ձայնով կառավարում, 

 

- սրտի զարկերի վերահսկողություն՝ ընդհուպ մինչև սրտի կանգ,

 

- մաշկի անտանելի քորի հարուցում,

 

- մկանների ինքնաբուխ կրճատում,

 

- սեռական օրգանների ցավի և ակամա օրգազմի հարուցում,

 

- շոգի և ցրտի զգացողությունների հարուցում,

 

- մտքերի ընթերցում և հաղորդում,

 

- քնի վերահսկողութուն՝ քնկոտության կամ անքնության հարուցում,

 

- առանց տեսանելի պատճառների էլեկտրական ցնցումների կամ միկրոալիքային այրվածքների հարուցում, 

 

- պահվածքի վերահսկողություն՝ ընդհուպ մինչև որևէ մեկի վրա հարձակվելը, սպանություն գործելը, ինքնասպանությունը:

 

Սխալմամբ Ուոլթմանի ձեռքում հայտնված այս փաստաթղթերից որոշները ազդարարում են, որ հետազոտություններին մասնակցել են կամավորներ՝ իրենց վրա փորձարկելով վերը նկարագրված ներգործություներից շատերը: Թղթապանակում առաջարկվում են մարդու օրգանիզմը և գիտակցությունը կառավարելու աշխատակարգեր ու եղանակներ: Օրինակ, որոշ նկարազարդումներում երևում են ռադիոաշտարակներ, նաև ալեհավաքներ կրող բեռնասայլեր և ուղղաթիռներ, որոնք ինչ-որ ազդանշաններ են ուղարկում մարդկանցով բնակեցված տան կողմը: 

 

Այս նյութը համացանցում, բնականաբար, միլիոնավոր օգտատերերի է հետաքրքրել, որոնց թվում քիչ չեն նաև մասնագետները: Ընդ որում՝ շատ փորձագետներ ենթադրում են, որ Միացյալ Նահանգների կառավարությունը «հոգեէլեկտրական զենք» ստեղծելու ուղղությամբ աշխատանքներ չի տարել, պարզապես ամերիկյան հատուկ ծառայությունների ձեռքն է ընկել այդ ոլորտի ուրիշ հետազոտողների աշխատանքը: Այսպես թե այնպես, տվյալ նյութերը նախատեսված չեն եղել հասարակության լայն շրջանակների համար, և հնարավոր է՝ լրագրող Քերտիս Ուոլթմանին հաջողվել է բացել գաղտնիքի վարագույրը, որի հետևում  այս աշխարհի հզորներն անմարդկային գիտափորձեր են անում: