«Բացի Ուկրաինայից որևէ կոնֆլիկտ տարածաշրջանում ԵԱՀԿ ԽՎ–ին հետաքրքիր չէ»․ նման հայտարարություն է հնչեցրել ԵԱՀԿ ԽՎ–ում ԱԺ պատվիրակության ղեկավար Էդուարդ Աղաջանյանը՝ ԵԱՀԿ ԽՎ-ում ՀՀ ԱԺ պատվիրակության այս տարվա գործունեության ամփոփմանը նվիրված ասուլիսում։

 

 

Մի քանի հատված՝ նրա ելույթից․

 

⇒ Հունիսի վերջին տեղի ունեցած ԵԱՀԿ ԽՎ ամառային նստաշրջանի ընթացքում հայկական պատվիրակությունն առաջարկել է որոշակի փոփոխություններ կատարել ԵԱՀԿ ԽՎ քաղաքական հանձնաժողովի վերջնական բանաձեւում։

 

⇒ Փոփոխությունները վերաբերում էին ղարաբաղյան հակամարտությունը լուծելու, Լեռնային Ղարաբաղում հայկական մշակութային ժառանգության պահպանման և հայ գերիներին վերադարձնելու անհրաժեշտությանը։ 

 

⇒ Սակայն փոփոխությունները չեն հաստատվել և չեն արձանագրվել փաստաթղթի վերջնական տարբերակում։

 

⇒ ԵԱՀԿ ԽՎ ներկայացուցիչների նման պահվածքն անընդունելի է և արժանի դատապարտման, ինչի մասին իրենք խոսել են լիագումար նիստերի ժամանակ։

 

⇒ Այս մոտեցումը բազմաթիվ հարցեր է առաջացնում հայկական կողմից, և դեռ պետք է վերլուծել, եզրակացություններ անել և հասկանալ, թե որն է նման արդյունքի պատճառը։

 

⇒ ԵԱՀԿ ԽՎ-ի հունիսին ընդունված ամփոփիչ հռչակագրում խոսք էր գնում «Ռուսաստանի Դաշնության ագրեսիվ պատերազմի մասին Ուկրաինայի և նրա ժողովրդի դեմ», սակայն ոչինչ չի ասվել 44-օրյա պատերազմի հետևանքով ԼՂ–ում առաջացած հումանիտար խնդիրնելի մասին։