Ըստ ամենայնի` հայրենի արմատականներն արդեն իրենք էլ են սկսել գիտակցել, որ հակակրիմինալ շարժումը մարում է£ Ճիշտ է, ոստիկանության պետական պահպանության վարչության պետ Արամ Զաքարյանը միայն երջանիկ պատահականությամբ օրերս կարողացավ խուսափել անհայտ հանցագործի մահաբեր գնդակներից, բայց դա արդեն ընդդիմադիրների համար նվազ հետաքրքրական թեմա է£ Համատեղ քարոզարշավն աստիճանաբար նոր խնդիրներ է առաջադրում` արմատականներին ակամայից հնարամիտ դարձնելով ու մղելով նորանոր նախընտրական հայտնագործությունների£ Ահավասիկ, խորհրդարանական վերջին քառօրյայում այս խիստ հեղհեղուկ հակաիշխանական ճակատի անդամներից մեկը քառամյա լռությունից հետո հայտարարեց, թե դիմելու է Սահմանադրական դատարան… Նա «պարզել» է, որ դրամի անկասելի հաղթարշավի հետևանքով հանրությանը մատուցվող որոշ ծառայությունների սակագները կարելի է նաև նվազեցնել£ Դե ինչ, մտահղացումը վատը չէ. ջուր, գազ, հոսանք օգտագործում ենք բոլորս, և նշված ծառայությունների սակագներն իբր թե ընդդիմության պահանջով թեկուզ մի քսան տոկոսով իջեցնելը աննախադեպ նախընտրական տրյուկ կլինի` իր բոլոր երազելի հետևանքներով հանդերձ£ Ընտրազանգվածն էլ կատարվածից ուշքի չի գա ու շանթահարվածի նման հրապարակներում գիշերով «հոգևարքում» հայտնված իշխանությունից կպահանջի այսօրվա արմատականներին բոլոր ժամանակների խորհրդարաններում ընդգրկվելու մշտական տոմսեր բաժանել£ Ցավոք, սակայն, երազանքները (հատկապես քաղաքականները) հիմնականում չեն իրականանում մի շատ հասարակ` հայրենի քաղգործիչների կողմից իրականության և երազի սահմանները չճանաչելու պատճառով£ Որևէ մեկը չի առարկի, որ ինչպես գազը, այնպես էլ ջուրն ու հոսանքը մարդիկ լրիվ անվճար ստանան ու օգտագործեն£ Բայց այդչափ բարեհաճ լինելու հնարավորություն, ինչպես գիտենք, մեր իշխանությունները չունեն£ Իհարկե, աշխարհում նման նախադեպեր կան, բայց, օրինակ, Վրաստան մատակարարվող գազի սակագինը բազմապատկել պատրաստվող ռուսական իշխանություններին չես համոզի, թե հայրենի Կենտրոնական բանկի մեքենայությունների արդյունքում մեր երկրում տարադրամի գնի անդուր տատանումներ են տեղի ունենում, ու բնակչությունը դրանից տուժում է£ Ի՞նչ տեղի կունենա, եթե վաղն արթնանանք ու տեսնենք, որ մեկ դոլարը դարձյալ 580 դրամ արժե£ Համապատասխան հանձնաժողովը ծառայությունների սակագները դարձյա՞լ պետք է վերանայի£ Քաղաքական է սկսվող շոուի նպատակը, նախընտրական£ Ու նման իրավիճակում հանրությանը շարունակաբար հավատացնելը, թե ուր որ է բոլորս սկսելու ենք լավ ապրել, եթե ընդդիմության նախընտրական շոուները հաջողությամբ պսակվեն, ստախոսության վատ քողարկված օրինակ է£ Արտաքին մարտահրավերները` ներքաղաքական սրացումների սպառնալիք Պարադոքս է, բայց փաստ. թեպետ նախընտրական տարի է, բայց Հայաստանի ներքաղաքական կյանքում իրադարձությունների, տեղաշարժերի, էլ չասած` սրացումների դեֆիցիտը խորհել է տալիս, որ երկրում առկա է քաղաքական լճացում:

Պարտադիր չէ Շերլոկ Հոլմս կամ Էրքյուլ Պուարո լինել` համոզվելու համար, որ երբ զուգադիպություններն անցնում են մարդկային պարզ տրամաբանության բոլոր սահմանները, անհեթեթություն է դրանք վերագրել կույր պատահականություններին կամ երկնային խորհրդավոր մութ ուժերին:

Ախր «տպավորիչ» է հալածյալի փշեպսակը Այն պահից, երբ ՕԵԿ-ը դուրս եկավ կոալիցիայից, իսկ կուսակցության ղեկավարը կորցրեց ԱԺ նախագահի պաշտոնը, գրեթե բոլոր քաղաքական մեկնաբանները համոզված էին, որ մշտապես պոպուլիզմի անկրկնելի նմուշներ մատուցող ՕԵԿ-ականները, անպայման փորձելու են հանրությանը ներկայանալ արդարության համար պայքարող հալածյալ առաքյալների «փշեպսակով»:

ԱԺ բացատրական բառարանից Հանրային (հասարակական) շահի գերակայություն ¬ Երբ քաղաքացու սեփականությունը հանդիսացող տունը քանդում են և տեղում կառուցում հանրային հասարակաց տուն£ «Դե հիմա գնացեք, մեկնաբանեք» «Ոչ թե Հայաստանն է Ռուսաստանի ֆորպոստը, այլ Ռուսաստանը Հայաստանի համար է ֆորպոստ ծառայում»` հայտարարեց դաշնակցական Սպարտակ Սեյրանյանը այնպիսի ոճով, կարծես ծովն է նետել մի քար, որ պետդումայի հարյուր պատգամավոր «հանել» չեն կարող£ Իսկ ո՞վ չի ուզում Ամենայն հավանականությամբ 2007թ. «Ո՞վ է ուզում դառնալ միլիոնատեր» խաղին մասնակցելու հայտ կներկայացնեն հիմնականում ընդդիմության ներկայացուցիչները£ Իսկ իշխանավորներն ամեն ինչ կանեն` նրանց «խաղից» դուրս թողնելու համար£ Ընտրակաշառքի դեմ «խաղ» կա, բայց միայն տեսականորեն Նույնիսկ միջազգային կառույցների ներկայացուցիչներն են համոզվել, որ Հայաստանում ազատ, արդար, թափանցիկ ընտրություններ կարելի է անցկացնել միայն մեկ պարագայում. եթե հնարավոր լինի յուրաքանչյուր քաղաքացու ականջի ետնամասում ծամոնի փոխարեն թաքնված տեսախցիկ ամրակցել և տեսագրել ընտրակաշառք տալու¬վերցնելու պահը£ Նախկին պաշտոնյաների նոստալգիկ երգը` Մ. Նալբանդյանի հանգով Անցա¯ք¬գնացիք, էլ չեք դառնալու Օ¯, դուք միշտ ուրախ, միշտ անհոգ օրեր` Ընդունակ միայն ուրախացնելու£ Համայնքի անունը դարձել է խորհրդանիշ Ասում են թյուրիմացություններից խուսափելու համար ընտրակաշառք տալու գործընթացը Աջափնյակում կոդավորված է£ Աջ ափի մեջ դրված կաշառքը հրահանգված է ընդունել, ձախինը` մերժել£ Տիրապետելու համար մարդաորսի գաղտնիքներին Ասում են` որոշ քաղաքական ուժեր անհրաժեշտ ընտրազանգված ապահովելու նպատակամղումով մարդաորսի դասընթացներ են անցնում այդ գործում պրոֆեսիոնալ Եհովայի վկաների մոտ£ Կրիմինալի երգը` Թումանյանի հանգով Մենք բոլորս գող ենք կյանքում Ամուր կառչած «տանիքից», Հերթով գալիս թալանում ենք Թշվառ, անտեր այս երկրից£ :

Հարավային Կովկասում աշխարհաքաղաքական լուրջ փոփոխություններ են տեղի ունենում, որոնք անհրաժեշտ է դիտարկել ոչ միայն Հայաստանի, Վրաստանի, Ադրբեջանի հետ կապված իրադարձությունների, այլև ավելի ընդգրկուն` տարածաշրջանային զարգացումների համատեքստում:

ՀՀ վարչապետ Անդրանիկ Մարգարյանն ընդունել է Ֆրանսիայի Հանրապետության Պրովանս-Ալպ Կոտ դ, Ազյուղ մարզի մարզային խորհրդի նախագահ Միշել Վոզելին եւ նրա գլխավորած պատվիրակությանը, որը Հայաստանում է գտնվում Լոռու մարզի հետ համագործակցության ծրագրերի հաստատման նպատակով:

Ալեքսան Հարությունյանն ու Արմեն Ամիրյանը տեղի կտա՞ն շանտաժին Մեր տեղեկություններով արդեն մի քանի օր է, ինչ աշխատանքից ազատման դիմում է ներկայացրել Ռադիոլուրի ղեկավար, ԱրմենԱկոբ հեռուստաընկերության` «Խոսք առանց փողկապի» հաղորդաշարի ղեկավար Արթուր Սահակյանը:

Հրավիրած ասուլիսում «Նոր ժամանակներ» կուսակցության առաջնորդ Արամ Կարապետյանն իր պարտքը համարեց հանրությանը ներկայացնել սեփական դիտարկում ները աշխարհաքաղաքական զարգացումների վերաբերյալ: «Եթե Հայաստանը շուտով չգտնի վրաց-ռուսական հարաբերություններում մեր շահը դնելու ձև, մեզ սպասվում են շատ վատ ժամանակներ, եւ դրանք նոր ժամանակներ չեն լինի», -զգուշացրեց նա:

Վիճակագրության առաքելությունը պետական տեղեկատվական բազայի ապահովումն է: Որքան լայն են ամբողջ տնտեսությունը համատարած հաշվառման ենթարկելու հնարավորությունները, վիճակագրա կան տվյալներն այնքան մոտ են իրական վիճակի արտացոլմանը:

Հոկտեմբերի 9-ին ՀՀ նախագահին առընթեր ազգային անվտանգության խորհրդի քարտուղար, պաշտպանության նախարար, ՀՀ և ՌԴ միջև տնտեսական համագործակցության միջկառավարական հանձնաժողովի համանախագահ Սերժ Սարգսյանի գլխավորած պատվիրակությունը մեկնեց Մոսկվա, ուր կմասնակցի Հայաստանի Հանրապետության և Ռուսաստանի Դաշնության միջև տնտեսական համագործակցության միջկառավարական հանձնաժողովի հերթական` 8-րդ նիստին:

Այդ օրը երբեք չի մոռանա զինվորի մայրը` Աստղիկ Անտոնյանը£ Զորամասից եկած շնորհակալական նամակը հպարտությամբ ու երջանկության զգացումով էր համակել նրան` օրը դարձնելով տոնական£ ¬Հարգելի ծնող,¬ ասված էր նամակում ,¬ Ձեր որդի Արամ Սարգսյանը առանձնանում է Հայրենիքի զինվորին բնորոշ դրական հատկանիշներով, ցուցաբերելով մարտական պատրաստա կանության մեջ հաջողություններ և զինվորական կարգապահության օրինակելի վարքագիծ, որի համար զորամասի հրամանատարությունը հայտնում է Ձեզ իր խորին շնորհակալությունը` Հայրենիքին նվիրյալ զինվոր դաստիարակելու համար£ Զորամասի հրամանատարի ժպ, փոխգնդապետ Մ. Միքայելյան Զորամասի հրամանատարի ԱՀՏԱ գծով տեղակալ, կապիտան Ա. Ալավերդյան :

ՀՀ ՊՆ հրթիռահրետանային զորքերի վարչության պետ, գեներալ-մայոր Մարտին ԿԱՐԱՊԵՏՅԱՆԸ կադրային զինվորականի տիպական կերպար է` օրինապաշտ, խիստ, սկզբունքային, պատասխանատու, կարգապահ: Նրա հետ զրուցելիս դժվար է հասնել հոգու հույզերին, ապրումները խորքում են, մատչելի թերևս ամենամտերիմներին:

Այսպես էլ է լինում: Ժողովրդավարություն ենք խաղում և արդյունքում «վայելում» ենք այն, ինչ ունենք. մի կողմից ամենաթողություն, մյուս կողմից` տարաբնույթ մեղադրանքներ ով-ում-ինչպես կարող է:

Պարզվում է` «Օրինաց երկիր» կուսակցությունը մեկ ծայրահեղ արևմտամիտությո՜ւն է դրսևորում, մեկ` ծայրահեղ արևելամիտություն: Պատգամավոր Մհեր Շահգելդյանը ոչ միայն անհարմար չի զգում, որ սեփական կուսակիցների նման չինական կոմունիստ առաջնորդ Մաո-Ցզե-Դունի դիկտատորական վարչակարգի ոճով անընդհատ մեջբերումներ է անում:

Պատգամավոր Հեղինե Բիշարյանն էլ հավաստիացնում է, թե վերջերս ԱԺ թատերաբեմից աներևութացած Սամվել Բալասանյանը զբաղված է կուսակցաշինությամբ: Էլ ով դիմանա՜:

Այսօր Հայաստանում աշխատանքի պակաս չես զգա£ Համենայնդեպ, այդպես են հավաստիացնում աշխատանքի հրավիրող զանազան գրավիչ հայտարարությունները£ Փորձենք հավատալ և հետամուտ լինել դրանցից որևէ մեկին£ «Հրավիրվում են բարձրագույն կրթությամբ անձինք` անկախ մասնագիտությունից ու տարիքից£ Բարձր աշխատավարձը երաշխավորվում է»£ Այսպես կամ` մոտավորապես այսպես£ Նման աշխատանքի մասին կարելի էր միայն երազել£ Եվ ահա հայտնվում ենք այն դռների առաջ, որոնք մեզ ապահով կյանք են խոստանում£ Օրեր տևած երջանիկ հույսերն ու սպասելիքները տեղի են տալիս վայրկենական հիասթափության£ Պարզվում է` «ընդամենը» պետք է վերցնել գործատուի մոտ կասկածելի ճանապարհով հայտնված անհայտ ծագման դեղերն ու գեղարարական միջոցները և անտեղյակ մարդկանց համոզել` գնել դրանք£ Շա¯տ լավ աշխատանք է, եթե, իհարկե, խիղճներս մի կողմ թողնենք£ Իսկ եթե այդ` վաղուց արդեն լոկ գրքային արտահայտություն դարձած խիղճն, այնուամենայնիվ, սկսում է ձեզ տանջել, ապա այդ աշխատանքը ձեզ համար չէ£ Կարդացե°ք հաջորդ հայտարարությունը` ձևակերպմամբ տարբեր, բայց բովանդակությամբ ոչնչով նախորդից չտարբերվող£ Ա¯յ քեզ զարմանք, այսքան աշխատատեղ, և գործազրկության այսքան մեծ տոկոս£ «Հրավիրում ենք աշխատանքի…»£ :

«Վերցրեք մեր ձիերը. մենք կճարենք նորերը: Վերցրեք մեր կանանց. մենք կգտնենք ուրիշներին:

Ռումինիայի և Բուլղարիայի` Եվրամիություն մտնելն էլ ավելի կընդլայնի միացյալ Եվրոպայի սահմաններն ընդհուպ մինչև Սև ծովի ափերը£ Դեռևս 5 տարի առաջ 6 երկրներ ստորագրեցին պայմանագիր, որից հետո սկսվեց Հին աշխարհի ինտեգրացիան£ Եվրոպական միությունը կավելանա ևս 30 միլիոն մարդով, որը նրա բնակչության ընդհանուր թվաքանակը կհասցնի կես միլիարդի£ Դեպի հարավ¬արևելք ընդլայնումն օրակարգի հարց կդարձնի նոր տարածաշրջանային խնդիրներ, ինչպես օրինակ, ապագա հարևաններ Ուկրաինայի և Մոլդովայի նկատմամբ Եվրամիության և Ռուսաստանի միջև առկա տարաձայնությունները£ Բացի այդ, ընդլայնումը զգալիորեն կավելացնի Եվրամիության տնտեսական կշիռն ու ազդեցությունն աշխարհում£ Ընդլայնումը կոչված է բերելու բարգավաճում ու բարեկեցություն այդ տարածաշրջանում և մոտեցնելու այն ժամանակը, երբ Եվրամիության արևելյան եզրերից ավելի շատ երկրներ կմիանան նրան` ավելացնելով անդամ երկրների թիվն ընդհուպ մինչև 35, նույնիսկ ավելի£ Սակայն այսօր միասնական Եվրամիության հնարավորությունները` տարածել բարեկեցություն ու ժողովրդավարություն, կասկած են հարուցում£ Ավելին, մտահոգություն կա, որ Ռումինիան և Բուլղարիան իրենց հետ կբերեն անկայունություն և կոռուպցիա£ Եվրամիության այժմյան անդամները հոգնել են ընդլայնումից, ու թեև Խորվաթիան դեռևս կարող է մոտակա ժամանակներում մտնել Եվրամիություն, սակայն բալկանյան մյուս շատ թեկնածուներ ստիպված կլինեն սպասել գուցե տարիներ, մինչև կկարողանան ապաստան գտնել միասնական Եվրոպայի գրկում£ Ինչպես արևելաեվրոպական երկրների մեծ մասը, որոնք արդեն կցված են Եվրամիությանը, այնպես էլ Ռումինիան ու Բուլղարիան տնտեսապես դեռ շատ պետք է զարգանան եվրազոնայի մաս կազմելու համար£ Բացի այդ, Եվրամիության մյուս անդամներն ամեն կերպ ձգտում են սահմանափակել աշխատուժի տեղաշարժը արևելքից դեպի արևմուտք, դեպի ավելի հարուստ երկրներ£ Այս ամենն ավելի անորոշ ու անհասկանալի է դարձնում եվրոպական միասնության գաղափարը£ Եվ, վերջ ի վերջո, մի՞թե ոչ թե 25, այլ 27 պետությունների համար ավելի հեշտ կլինի մեկ ընդհանուր հայտարարի գալ նոր համաեվրոպական սահմանադրության կամ օրենքների միավորման կապակցությամբ£ Հավանաբար, ո°չ£ Ընդլայնումն ինքնին ապացույց է Եվրամիության ունեցած հաջողությունների, սակայն այն Եվրամիությունը վերածում է անճանաչելիության£ :

Ս.Դ.Հ.Կ. «ՏԽՐՈՒՆԻ» ուսանողական-երիտասարդական միության հայտարարությունը Արդեն մի քանի տասնամյակ է, ինչ ուսանելու նպատակով Հայաստան են ժամանում բազմաթիվ սփյուռքահայ երիտասարդներ: Առաջին հայացքից ամեն ինչ կարծես թե հրաշալի և ողջունելի է, սակայն, ցավոք սրտի, կան խնդիրներ, որոնք ցայսօր մնում են չլուծված:

Հայ-Արիներ»-ի թիվ 14-15 (65-66) 2005թ. նոյեմբերի թողարկման մեջ կարդում ենք. «Հաջորդ հարվածը ուղղված է Սիրիային կամ ո՞վ է Իրաքի «իրավահաջորդը…»» հոդվածը, որից էլ տեղեկանում ենք հետևյալ ծրագրին, որը պատմական գիրք է Իսրայելի մասին... I raq S yria R oyal Jordan A rabia E gypt L ebanon «Սա ակնհայտորեն փաստում է, որ գոյություն ունի արաբական միասնական աշխարհը մասնատելու, ոչնչացնելու ծրագիր»,- հայտնում է ԱՄՆ-ում Հայ Արիական Միաբանության ներկայացուցիչը, որին հաջողվել է որոշ տեղեկություններ իմանալ վերոնշյալ գրքի մասին:

Հայ Արիական Միաբանությունը բազմիցս անդրադարձել է հային պիտակավորելու արատավոր «սկզբունքին»: Սա ունի իր դրսեւորումները` ըստ կուսակցական, կրոնա-հավատամքային կամ տեղաբնիկության պատկանելության եւ այլն:

Մղձավանջային հեքիաթ առանց վերջաբանի Բեռլինի «Theater unterm Dach» («Թատրոն տանիքի տակ») և Երևանի պատանի հանդիսատեսի թատրոնների համագործակցությամբ արված «Վերջին մտքի հեքիաթը» բեմադրությունն արժանի է դրվատանքի ամենից առաջ որպես մշակութային ազդեցիկ հնարքներով մտահղացված մի նախաձեռնություն, որը ոչ միայն հնարավորություն է տալիս համաշխարհային հանրության հավաքական միտքն ու խիղճը կրկին սևեռել Հայոց եղեռնի ու դրա անլուծելի մնացած ծանր հետևանքների վերացման անհրաժեշտության վրա, այլև միասնական ջանքեր ձեռնարկել որևէ ազգի ապրելու իրավունքի դեմ այժմ և ապագայում իրագործվող արյունոտ ոտնձգությունները, «մարդասիրական» ռումբերի նոր պայթյունները կանխելու ուղղությամբ:

«Չարենցը և արվեստը» խորագրով 300 էջանոց գիրքը 2005թ. լույս է ընծայել «Ոսկան Երևանցի» հրատարակչությունը, որի հեղինակն է բ.գ.թ., Երևանի ճարտարապետության և շինարարության պետական համալսարանի հայոց լեզվի և մշակույթի ամբիոնի վարիչ, պրոֆեսոր Ռոբերտ ԴԱՎԹՅԱՆԸ: Սույն գիրքը մի նոր, հետաքրքրական էջ է բացում չարենցագիտության բնագավառում: