«Սամսոն ծրագիր»-ը (Samson Option) Իսրայելի միջուկային դոկտրինն է, որը պաշտոնապես երբեք չի հայտարարվել, բայց տարբեր փորձագետներ ու հետախուզության աշխատակիցներ, տարբեր զեկույցներ  նկարագրում են դրա գոյությունն ու տրամաբանությունը։

 

- Ի՞նչ է «Սամսոն ծրագիրը». եթե կարճ նկարագրենք, ապա՝  «Թող իմ մահվամբ մահանան իմ թշնամիները»:

 

Այս գաղափարի վրա է հենված Իսրայելի անվտանգության հայեցակարգը՝

 

եթե Իսրայելն հայտնվի կործանման եզրին, այն պատրաստ է կիրառել միջուկային զենք՝ անկախ հետևանքներից։

 

Միջուկային զենքը Իսրայելի համար ունի «վերջին միջոցի զենք»-ի կարգավիճակ, այսինքն այն նախատեսված է միայն գոյաբանական վտանգի դեպքում կիրառելու համար։ 

 

«Սամսոն ծրագիրը» Իսրայելին դարձրեց միջուկային շանտաժի եզակի դերակատար․ փոքր պետություն, որը կարող է ազդել նույնիսկ գերտերությունների հաշվարկների վրա։

 

Եթե ամփոփելու լինենք, ապա «Սամսոն ծրագիրը» ունի երեք հիմնական ֆունկցիա.

 

1. Գոյաբանական անվտանգության դոկտրին

 

2. Վախեցնող գործոն

 

3. Քաղաքական շանտաժի գործիք:

 

Ի դեպ՝ «Դատաստանի օրվա» պատերազմի ժամանակ, երբ Իսրայելը կապիտուլյացիայի եզրին էր, վարչապետ Գոլդա Մեյերը հրամայել էր պատրաստվել «Սամսոն ծրագիրը» ակտիվացնելու։ Այն ժամանակ եղան նաև միտումնավոր տեղեկատվական «արտանետումներ», ինչը ստիպեց ԱՄՆ-ին, Ֆրանսիային, Մեծ Բրիտանիային և անգամ ԽՍՀՄ-ին դիվանագիտական, քաղաքական լարվածության։ Իսկ ԱՄՆ-ն և Ֆրանսիան միջուկային աղետ թույլ չտալու համար սկսեցին Իսրայելի բանակին մատակարարել նորագույն զենքեր և սպառազինություն։

 

Իսկ որտե՞ղ է հայկական «Սամսոն ծրագիր»-ը (պայմանական), ինչո՞ւ երբեք չմտածեցինք մեր հնարավորությունների համեմատ սեփական գոյաբանական վերջին միջոցը ստեղծել, որ գոնե մեր գրպանում «վերջին փամփուշտ» ունենանք։

 

Հարցը հռետորական է...