Իրանը դեմ է տարածաշրջանում հակամարտություն հրահրելուն, սակայն իսրայելական կողմը պետք է պատասխան տա իր արածի համար։ Այս մասին լրագրողների հետ զրույցում հայտարարել է Իրանի ԱԳՆ քարտուղար Նասեր Քենանին։

 

- Իրանը ձգտում է կայունություն հաստատել տարածաշրջանում, բայց դա տեղի կունենա միայն ագրեսորին պատժելու և սիոնիստական ռեժիմի արկածախնդրության դեմ զսպող միջոցներ ստեղծելու դեպքում,- ասել է Քանանին՝ հավելելով, որ Թեհրանի գործողություններն անխուսափելի են։

 

Իրանցի պաշտոնյան ԱՄՆ-ին կոչ է արել դադարեցնել աջակցությունն Իսրայելին՝ ասելով, որ միջազգային հանրությունը չի կատարել տարածաշրջանում կայունություն ապահովելու իր պարտականությունը և պետք է աջակցի «ագրեսորի պատժին»:

 

Նա նշել է, որ Թեհրանը չի կարող անտարբեր լինել սեփական ազգային անվտանգության, ընկերների և դաշնակիցների, տարածաշրջանի անվտանգության հարցերում։ Պաշտոնյան ևս մեկ անգամ ընդգծել է, որ ՀԱՄԱՍ-ի քաղբյուրոյի ղեկավար Իսմայիլ Հանիի սպանությունը կոպտորեն խախտում է միջազգային իրավունքի և քաղաքական նորմերը, որոնք ընդունված են միջազգային հանրության կողմից։

Աղբյուր` Փաստինֆո