Արգենտինական կրքոտ տանգոյի երեկո
ԿՆԵՐԿԱՅԱՑՆԻ ՀԱՅԱՍՏԱՆԻ ՊԵՏԱԿԱՆ ԿԱՄԵՐԱՅԻՆ ՆՎԱԳԱԽՈՒՄԲԸ
Մայիսի 24-ին, ժամը 19։30 Արամ Խաչատրյան համերգասրահում Հայաստանի պետական կամերային նվագախումբը կներկայացնի կրքոտ արգենտինական տանգոյի երեկո:
Համերգին կմասնակցեն Աստոր Պիացցոլլայի Տանգո Սեքստետի մենակատար, աշխարհահռչակ արգենտինացի բանդոնեոնահար Դանիել Բինելլին, դաշնակահար Պոլի Ֆեռմանը և իհարկե՝ արգենտինայից ժամանած պարող զույգեր։
Որպես մենապարողներ հանդես կգան Կլաուդիո Հոֆմանը, Չինցիա Լոմբարդին, Լեո Կալվելլին, Եվգենիա Ուսանդիվարասը։ Դիրիժոր՝ Միգել Անխել Ջիլարդի (Արգենտինա):
Երեկոյի ընթացքում հանդիսատեսը կվայելի լավագույն տանգոների ռիթմերն ու պարերը։ Նախագիծն իրականցվում է Հայաստանի Հանրապետությունում Արգենտինայի դեսպանության հետ համատեղ։