Դեռևս ժամանակ կա՝ որոշելու 2017-ին ո՞ր երկիրն է աշխարհի ամենահոռետեսականը ճանաչվել: Բայց 2016-ի այդ տիտղոսակիրը Ֆրանսիան է: Ավելի ստույգ՝ ֆրանսիացիները:

 

Տարբեր երկրների քաղաքացիների շրջանում անցկացված հարցման արդյունքներն են պարզել, որ ամենաշատ հոռետեսները հենց այստեղ են ապրում (տեղեկացրել է newinspire.ru-ն):

 

Իսկ հոռետեսության առաջին ցուցիչը ապագայի հանդեպ վստահության պակասն է, կամ դրա իսպառ բացակայությունը:

 

Ֆրանսիայում հարցման մասնակիցների 88%-ը կարծում է, որ սխալ է ընտրված իրենց պետության զարգացման ուղին: Ըստ փորձագետների՝ սոցիալական բարեկեցության պակասն է նպաստել այդ կարծիքի ձևավորմանը:Իսկ դրա պատճառները մի քանիսն են. Այդ թվում՝ տնտեսական իրավիճակի երկրում տնտեսական իրավիճակի վատթարացում, գործազրկության բարձր մակարդակ, անվտանգությանն առնչվող խնդիրներ, միգրացիոն ռիսկեր:

 

Աշխարհի առավել հոռետեսական երկրների ցանկում  երկրորդը Մեքսիկան է, որի բնակչության 85%- ն է հոռետես: Մեքսիկայի տնտեսությունը զգալի խնդիրների է բախվել՝ համաշխարհային էներգետիկ գների անկման հետ կապված. դրանց արտահանումը զգալի եկամուտ է բերում պետությանը:

 

Նմանատիպ խնդիրներ ունեցող պետություն է նաև Բրազիլիան, որտեղ փորձագետները հաշվել են հոռետեսների 84% -անոց բանակ: Բացի այդ, Բրազիլիայում հոգեբանական մթնոլորտի մթնոլորտը մթագնել է երկարատեւ քաղաքական ճգնաժամը:

 

Այս երեք առաջատարներին հաջորդում են Իտալիան (83%), Իսպանիան (82%), Շվեդիան (73%), Գերմանիան (71%):

 

Պետության զարգացման վեկտորը սխալ է համարում Միացյալ Նահանգների բնակչության 64% -ը: 

 

Իրենց երկրի զարգացման հեռանկարների վերաբերյալ առավել լավատեսական տեսակետներ են արտահայտել Չինաստանի քաղաքացիները. նրանց 90% -ը կողմնակից է ընտրված ուղղությանը: Նման համոզվածությամբ են իրենց երկրներում ապրում նաև Հնդկաստանի (67%) և Պերուի (61%) քաղաքացիները: 

 

Ռուսաստանի քաղաքացիների հարցման արդյունքներով պարզվել է, որ երկրի բնակչության 53% -ը դրական է գնահատում պետության զարգացման մակարդակը:

 

Իսկ ահա աշխարհում վարվող քաղաքականությունը դրական է գնահատում 38%-ը, ինչը ցածր ցուցանիշ է և բնորոշ է համաշխարհային տնտեսության ճգնաժամի փուլերին:

 

Իսկ ո՞վ կպնդի, որ համաշխարհային տնտեսությունը հիմա  ճգնաժամային այն փուլում չէ, որի հաղթահարման երաշխիքները տեսանելի չեն: