Լիբանանյան հանդիպումներ

Աշխատանքային այցով Լիբանանում գտնվող ՀՀ սփյուռքի նախարարի առօրյան նույնքան հագեցած է, որքան Հայաստանում: Ինչպես ինքը՝ Հրանուշ Հակոբյանն է նշել հանդիպումներից մեկի ժամանակ՝ շատ կարևոր է հայ երիտասարդին գրավիչ դարձնել հայկական ինքնությունը, Հայաստանն ու Արցախը, որպեսզի Հայաստանը նրանց համար դառնա տուն և ոչ թե միայն պատմական Հայրենիք: 
 
ԲԵՅՐՈՒԹԻ ԱԶԳԱՅԻՆ ՄԻԱՑՅԱԼ ՎԱՐԺԱՐԱՆՈՒՄ
 
Նախարար Հրանուշ Հակոբյանին՝ Լիբանանում  ՀՀ դեսպան Սամվել Մկրտչյանի ուղեկցությամբ, Բեյրութի Ազգային միացյալ վարժարանի նորակառույց համալիրում դիմավորել են Լիբանանի Հայոց Թեմի Առաջնորդ Շահե արքեպիսկոպոս Փանոսյանը, Ազգային վարչության ատենապետ Հակոբ Հավաթյանը, ներկայացուցիչներ Հակոբ Լուսարարյանը, Սյուզի Սեմերջյանը, վարժարանի տնօրեն Թալին Մարտիրոսյանը:
 
Կարևորելով Սփյուռքում նման հիմնավոր կրթական հաստատության գործունեությունը,  Հ. Հակոբյանն անդրադարձել է մրցունակ կրթություն ապահովելու, հայեցի դաստիարակության և Հայաստանի հետ կապերի ամրապնդման խնդիրներին: Նախարարը նշել է, որ այդ խնդիրների լուծման գործում մեծ է ուսուցչական անձնակազմի դերակատարությունը: Նա ընդգծել է ուսուցիչների՝ Հայաստանում վերապատրաստում անցնելու և փորձի փոխանակում իրականացնելու կարևորությունը: 
 
- Հայերն աշխարհին ապացուցել են՝ որտեղ էլ ապրեն, նպաստելու են այդ երկրի զագացմանը: Լիբանանը դրա լավագույն օրինակն է: Ուրախ եմ, որ այսպիսի հզոր դպրոց է ստեղծվել Սփյուռքի մայրաքաղաք Լիբանանում: Սա մեծ նվեր է ոչ միայն լիբանանահայության, այլև համայն հայության համար,-փաստել է Հ. Հակոբյանը:
 
Ազգային միացյալ վարժարանի տնօրեն Թալին Մարտիրոսյանը, շնորհակալություն հայտնելով  Սփյուռքի նախարարին կրթօջախ կատարած անդրանիկ այցի համար, նշել է, որ այն մեծ նշանակություն ունի հետագա համագործակցության և համատեղ ծրագրերի իրագործման համար: Թալին Մարտիրոսյանն ասել է, որ այսօր առավել քան երբևէ անհրաժեշտ է խորացնել Հայաստան-Արցախ-Սփյուռք կապերը, մշակել և իրականացնել ծրագրեր հատկապես կրթական-ուսումնական ոլորտում, կազմակերպել փորձի փոխանակում, ապահովել նոր սերնդի հայեցի դաստիարակությունը:
 
- Հայությունն ապրել և ապրում է իր եկեղեցիներով, դպրոցներով, մշակութային կետրոններով և կառույցներով:  Եվ պիտի շարունակի ապրել, քանի որ երազներ և իդեալներ ունեցող ժողովուդ է: Մաղթենք, որ Ազգային միացյալ վարժարանը առաջնորդվի Միացյալ Հայաստանի տեսլականով,- հավելել է Լիբանանի Հայոց թեմի առաջնորդ Գերաշնորհ հայր Շահե Փանոսյանը:
Իսկ Ազգային միացյալ վարժարանի տնօրեն Թալին Մարտիրոսյանը, շնորհակալություն հայտնելով  Սփյուռքի նախարարին կրթօջախ կատարած անդրանիկ այցի համար, նշել է, որ այն մեծ նշանակություն ունի հետագա համագործակցության և համատեղ ծրագրերի իրագործման համար: Թալին Մարտիրոսյանն ասել է, որ այսօր առավել քան երբևէ անհրաժեշտ է խորացնել Հայաստան-Արցախ-Սփյուռք կապերը, մշակել և իրականացնել ծրագրեր հատկապես կրթական-ուսումնական ոլորտում, կազմակերպել փորձի փոխանակում, ապահովել նոր սերնդի հայեցի դաստիարակությունը:
 
«ՍՓՅՈՒՌՔԸ ՆՈՐ ՀՈՐԻԶՈՆՆԵՐԻ ԴԻՄԱՑ.
ՍՓՅՈՒՌՔԱՀԱՅԻ ԻՆՔՆԱՀԱՍԿԱՑՈՂՈՒԹՅՈՒՆԸ» 
 
Վերոնշյալ խորագրով Բեյրութի Պիքֆայայի Սուրբ Աստվածածին վանքում Մեծի Տանն Կիլիկիո կաթողիկոսության նախաձեռնությամբ մեկնարկած հավաքը, որին մասնակցել է ՀՀ սփյուռքի նախարար Հրանուշ Հակոբյանը, նախագահել է Մեծի Տանն Կիլիկիո Կաթողիկոս Արամ Առաջինը:
 
- Հայկական Սփյուռքը աշխարհի մյուս սփյուռքների համեմատությամբ ամենատարածվածն է (119 երկրում ձևավորվել են հայկական համայնքներ): Հայկական Սփյուռքը բազմամշակույթ է, ուստի նաև՝ բազմաթիվ ինքնությունների տեր: ՀՀ սփյուռքի նախարարությունը հատուկ ուշադրություն է դարձնում ծպտյալ հայերի ինքնությունը վերագտնելու խնդրին և այդ ուղղությամբ աշխատանքներ իրականացնում, - ողջույնի իր խոսքում նշել է նախարարը:
 
Նա հանգամանորեն անդրադարձել է խառն ամուսնություններին և դրանց հետևանքներին, հայեցի կյանքից և հայկական ավանդույթներից գիտակցաբար հեռու ապրող, իրենց աշխարհի քաղաքացի համարող, իսլամացած և արմատներին վերադառնալ ցանկացող հայերին և նշել, բոլոր դեպքերում հայ մնալու երաշխիքը հայ եկեղեցին է, հայ դպրոցը, պատմական հիշողությունը, ընտանիքը, հայկական ավանդույթների պահպանումը, ազգային և մշակութային կառույցների, հայ մամուլի գործունեությունը, հայկական խորհրդանիշների պահպանումը, ազատ և անկախ երկու պետությունների՝ Հայաստանի և Արցախի գոյությունը և հզորացումը:
 
Մեծի Տանն Կիլիկիո Կաթողիկոս Արամ Առաջինի ձևակերպմամբ՝ 
 
- Մենք պետք է նորովի կազմակերպենք մեր համայնքների կյանքը, նոր կենսունակություն հաղորդենք նրան, գտնենք ինքնաճանաչողության ը նպաստող նոր և ազդու մեթոդներ, ուղիներ: Պետք է վերստեղծենք սփյուռքահայի ինքնահասկացողությունը և ամրապնդենք ինքնագիտակցությունը՝ տվյալ միջավայրին և ներկա պայմաններին համահունչ:
 
«Պատմական ակնարկ» խորագրով առաջին նիստին զեկույցներով հանդես են եկել ՀՀ ԳԱԱ պատմության ինստիտուտի տնօրեն Աշոտ Մելքոնյանը, պրոֆեսոր Սեդա Տատոյանը և գրող, հրապարակախոս Նազարեթ Պերպերյանը:
 
«Ինքնության հատկանիշներ» խորագրով երկրորդ նիստին հետաքրքրությամբ են լսվել հանդես են եկել Միհրան Քյորտօղլյանի, Վարուժան արք. Հերկելյանի, Խաչիկ Դեդեյանի, Սեդա Խտշյանի և Խաչիկ Տեր Ղուկասյանի, իսկ խորագրով երրորդ նիստին՝ Վերապատվելի դոկտոր Փոլ Հայտոսթյանի, դոկտոր Հայկ Օշականի և գրող, հրապարակախոս Հակոբ Պալյանի ելույթները: