Քանակային ու նվիրվածության առումով բավական ազդեցիկ է սրճասերների բանակն ամբողջ աշխարհում: Թե՛ ժամանցները գունավորող և թե՛ հոգնածությունը թոթափող ու թարմացնող այս ըմպելիքը շատերին մղել է պատրաստման բազմապիսի բաղադրատոմսեր ստեղծել՝ իհարկե սեփական քիմքին հաճելի: Ներկայացնելով դրանցից մի քանիսը, superboss.info-ն հավաստիացնում է, թե դրանք սուրճի ամենաթանկ բաղադրատոմսերն ամբողջ աշխարհում: Թանկը դեռ ոչիչնչ, բայց դրանք առանձնանում են նաև իրենց տարօրինակությամբ:

 

Ահավասիկ.

 

Cà phê trung կամ վիետնամական ձվասուրճ

 

Մատուցվում է Հանոյի բոլոր սրճարաններում: Փոքր-ինչ հարելուց հետո՝ ձվի դեղնուցի ու խտացրած կաթի խառնուրդի վրա ավելացվում է վիետնամական դառը սուրճ, որն առանց խառնելու հոսում է մինչև բաժակի հատակ:

 

Ստացվում է նրբահամ ըմպելիք՝ եփած կրեմի բույրով:

 

Սուրճ՝ ծովային աղով

 

Թայվանի ամենահայտնի սրճային ցանցերից մեկում՝ 85C Bakery-ի սրճարաններում, սուրճը մատուցվում է ծովի աղով: Առաջին իսկ օրից՝ 2008 թ. դեկտեմբերից այն դարձել է ամենավաճառվող ըմպելիքը: Անսովոր այս տեսակը մրգերը (սովորաբար՝ արքայախնձորը և ձմերուկը) աղով ուտելու թայվանական ավանդույթի շարունակությունն է:

 

Այս սուրճի հետ հաճախ մատուցվում է սառցե աղանդեր՝ վրան եգիպտացորեն ցանած, ինչպես նաև խոզապուխտի կտորներով հաց՝  քաղցրահյութով համեմված:

 

Սուրճ տոնիկով

 

Չնայած տոնիկի և սուրճի խառնուրդը կարող է տարօրինակ թվալ, սակայն այն արդեն բավական տարածված է աշխարհում: իհարկե՝ այն մարդկանց շրջանում, ովքեր շատ արագ թարմանալու կարիք ունեն: 

 

Պատրաստման ձևը շատ պարզ է՝ էսպրեսոն (հավանաբար սովորական սուրճն էլ  կարելի է) լցնում են տոնիկով և սառույցով բաժակի մեջ: 

 

Սուրճ արևածաղկի ու կարագի հետ

 

Ասիայում հաճախ են սուրճին կարագ և ձեթ ավելացնում: «Bulletproof Coffee» ընկերությունը պնդում է, որ սովորական նախաճաշի փոխարեն կարելի է վայելել այս ըմպելիքը: 

 

Գաղտնիքը պարզ է՝ երկու տեսակի յուղերն էլ պետք է ավելացնել, և Bulletproof Coffee- ն մարդուն ապահովում է ավելի շատ էներգիայով, քան սովորական սուրճը:

 

Սուրճ պանրով

 

Kaffeost- ը շվեդական ավանդույթ է՝ սուրճի մեջ պանիր ավելացնել կամ սուրճը խմել պանրով:

 

Սովորաբար ավելացվում է լապլանդական պանիր, որն արտադրվում է Ֆինլանդիայում և Հյուսիսային Շվեդիայում՝ կովի, այծի կամ եղջերուի կաթից:

 

Կիտրոնով կամ լայմով

 

Գիլերմո կոչվող այս սուրճը կարելի է մատուցել թե՛ տաք, թե՛ սառը վիճակում: Թարմ լիմոնից կամ լայմից բացի այն պատրաստվում է նաև ցիտրուսակեղևի համեմունքով (ցեդրա): 

 

Այս ըմպելիքը, սակայն, ոչ բոլորի համար է, քանի որ այն ունի չափազանց բարձր թթվայնություն: 

 

Վանիլային կոկա-կոլայով

 

Ավելի քան 20 տարի առաջ նկարահանված Քվենթին Տարանտինոյի «Փիլիպպի գրականության» դասական ֆիլմի գլխավոր հերոսը՝ Վինսենթ Վեգան (Ջոն Տրավոլտայի դերակատարմամբ) պաշտում էր վանիլային կոկա-կոլան:

 

Հենց այդ պատճառով էլ սրճային այս ըմպելիքը ստացավ «Վինսենթ Վեգա» անունը, որն իրենից ներկայացնում է կոկա-կոլայի, էսպրեսսոյի, վանիլային օշարակի և սառույցի խառնուրդ:

 

Էսպրեսսո և գարեջուր

 

Տեխասում պահանջարկ վայելող Houndstoot սրճարանում մատուցում է անսովոր հավաքածու՝ երկու էսպրեսսո և երկու պինտ (հեղուկաչափ՝ 0,56 լիտր) գարեջուր:

 

Ենթադրվում է, որ այն անհրաժեշտ է խմել ոչ թե խառնուրդի տեսքով, այլ՝ մեջընդմեջ :