Պատերազի հակառակ երեսը
CASPIAN FRONTIERS-Ի ԱՆԴՐԱԴԱՐՁԸ
Ադրբեջանում 2016-ի ապրիլյան պատերազմից սկսեցին ու 2020թ. պատերազմից հետո կատարելագործվեցին բավականին հետաքրքիր որոշ երևույթներ, որոնք կապված են
պատերազմներում սպանվածների թաղման ծեսերի, գերեզմանային ճարտարապետության և տարատեսակ արարողությունների հետ։
► Առաջին բանը, որ վստահաբար Ադրբեջանին հետևողներից շատերը նկատած կլինեն, գերեզմանների ձևի փոփոխությունն է։
► Սկզբում պատերազմներում սպանվածների գերեզմանների վրա սկսեցին ծածկ քաշել։ Հետո սկսեցին գերեզմանները ապակեպատ շինությունների մեջ առնել։
► Ավելի ուշ ի հայտ եկան տներ։ Գերեզմանի վրա քարով տներ են սարքում, հիմնականում մի սենյականոց, բայց հաճախ նաև մի քանի սենյականոց՝ բոլոր հարմարություններով, որոնցում բացի սանհանգույցից ամեն ինչ կա։
► Վերջին շրջանում նկատվում է արդեն տնից դամբարանի վերածման գործընթաց, երբ օգտագործվում են հատուկ գունավոր հախճապակիներ՝ հատուկ դեկորացիաների և դամբարանային կամ մզկիթային տեսքի ապահովման համար։
► Նկարում նման մի գերեզման է, որտեղ երևացող գերեզմանաքարի վրա «հետախույզ» բառի մեջ թույլ է տրվել շատ կոպիտ ուղղագրական սխալ։
Մյուս ուշագրավ երևույթը, որ նկատելի է Ադրբեջանում 2020թ. պատերազմից հետո, դա պատերազմում սպանվածների ծննդյան տորթերն են։
► Այդ տորթերի վրա պատկերվում են հենց սպանվածները։
► Դրանք կամ տարվում են գերեզմաններ և կիսվում երեխաների ու ընտանիքի անդամների, կամ էլ տանը՝ ընկերների և մնացած հարազատների կողմից։