Ցայտաղբյուրի մոտ
Առավոտյան Հորիզոնին տեսա ցայտաղբյուրի մոտ նստած: Չէի կարող չզարմանալ.
- Վարպետ, հանգստանո՞ւմ, թե՞ մարդու ես սպասում:
- Նայում եմ, թե մարդիկ ոնց են ջուր խմում:
- Եվ ի՞նչ պարզեցիր:
- Հասկացա ժողովրդական առածը` «Երկու ջուրը մի հաց է»: Ով երկու անգամ է խմում, ուրեմն իրանք իրենց հացը կերան-գնացին` առանց ջուր խմելու: Իսկ ով երեք անգամ է խմում, նշանակում է` մի հաց կերավ և մի ջուր խմեց: Սրանից հետևում է, որ պետությունը ապահովում է սոցիալապես անապահով խավի վիճակը: Գուրգեն, մոտեցիր ցայտաղբյուրին` կեր ու խմիր, քանի դեռ մասնավոր վիշապը չի նստել էս ջրի ակունքին:
- Վարպետ, սկզբից դու հյուրասիրվիր:
- Ոչ, երիտասարդ, ջուրը փոքրինն է, խոսքը` մեծինը:
Հրանտ ՀՈՐԻԶՈՆ
Գուրգեն ԼՈՌԵՑԻ