ՀԱՆԳԱԺՊԻՏՆԵՐ
Ստախոսների համագումարում,
Ճշմարտախոսներին մարդ չեն համարում:
* * *Իր անելիքը լավ գիտեր կանխավ`
Հարցը բարձրացրեց ու... տակից փախավ...
* * *
Դու տաղանդ ես, ու որ քեզ չհալածենք,
Գնա մեռի, արի... մի բան կմտածենք...
* * *
Գցեցի՞ն, թե ցած ընկավ այս պաշտոնյա հանճարը,
«Սև արկղը» չեն գտնում, որ իմանան պատճառը:
* * *
Հարազատ տանդ ապրիր և կլինես ողջ,
Աղքատ ապրել կլինի, անհայրենիք` ոչ:
* * *
Գրել, տվել են, ինքը ճառել է,
Հիմա պնդում է, թե հանճարեղ է: