Շեկերի փառատոնը կամ գազարշպրտոցի


Անցյալ շաբաթ և կիրակի օրերին Իռլանդիայում տեղի ունեցավ շիկահարների ավանդական փառատոնը (տեղեկացրել է GuΖrdiΖn-ը):

Ամենամյա այդ փառատոնն արդեն 7-րդ անգամ անցկացվում է Կորկ կղզում և տարեցտարի նոր երկրպագու-հանդիսատեսներ հավաքում: Իսկ ո՞րն է դրա էությունը: Անհեթեթություն ասելը ամենամեղմ որակումը կլինի: Շիկամազերը մրցել են գազարներ նետելով, գտել լավագույն շիկամորուք ունեցողին և ընտրել «Շեկ թագավոր ու թագուհի»:

Նույն փառատոնի շրջանակներում նաև շիկամազ երգիչների համերգ է կայացել:

Այս փառատոնի հեղինակները քույր ու եղբայր են` Դենիս և Ջոլին Կրոնինները: Սկզբում երևի նրանք չեն էլ մտածել, որ հենց այս հղացումը ավանդույթ կդառնա` մինչև 5 հազար հանդիսատես գրավելով: Իսկ ամենակարևորն ու դրվատելին թերևս այն է, որ փառատոնից գոյացող գումարները տրամադրվում են քաղցկեղի դեմ պայքարի իռլանդական հիմնադրամին: