Ի՞նչը կարող է խանգարել ճամփորդելիս
Ամեն ժողովուրդ որոշակի նախասիրություններ ունի` նաև զբոսաշրջիկների հետ հարաբերվելիս: Ի՞նչ չանել մի շարք երկրներում. խորհուրդ են տալիս փորձված զբոսաշրջիկները:
ՖՐԱՆՍԻԱՅՈՒՄ փողի մասին մի´ խոսեք:
ՀՆԴԿԱՍՏԱՆՈՒՄ իսպառ հրաժարվեք ուրիշների ներկայությամբ համբուրվելուց և միմյանց փաղաքշելուց:
ՃԱՊՈՆԻԱՅՈՒՄ երբեք «թեյավճար» չթողնեք:
ԻՍՊԱՆԻԱՅՈՒՄ ձեզ թույլ չտաք վիրավորվել տեղական կատակներից:
ԹՈՒՐՔԻԱՅՈՒՄ ձեր դրական վերաբերմունքը երբեք մի´ արտահայտեք բթամատի ու ցուցամատի միացմամբ OK ժեստով. այնտեղ դա հավասարազոր է հայհոյանքի:
ՆՈՐՎԵԳԻԱՅՈՒՄ մի´ հարցրեք, թե արդյոք նորվեգացիները հաճախո՞ւմ են եկեղեցի:
ՄԵԾ ԲՐԻՏԱՆԻԱՅՈՒՄ մի´ հարցրեք, թե որքան են վաստակում անգլիացիները:
ԻՌԼԱՆԴԻԱՅՈՒՄ չփորձեք նմանակել իռլանդական առոգանությանը:
ՔԵՆԻԱՅՈՒՄ ձեր զրուցակցին առաջինը մի´ դիմեք անունով:
ԳԵՐՄԱՆԻԱՅՈՒՄ ծննդյան օրը նախապես մի´ շնորհավորեք:
ՉԻԼԻԻՈՒՄ ձեռքով չուտե´ք:
ՍԻՆԳԱՊՈՒՐՈՒՄ ոչինչ մի կերեք տրանսպորտով երթևեկելիս:
ԱՄԵՐԻԿԱՅՈՒՄ չմոռանաք «թեյավճար» թողնել:
ՉԻՆԱՍՏԱՆՈՒՄ որևէ մեկին ժամացույց կամ հովանոց մի´ նվիրեք:
ՆՈՐ ԶԵԼԱՆԴԻԱՅՈՒՄ ավտոազդանշան մի` տվեք. դա ընկալվում է որպես վիրավորանք: