1 ՀԱՐՑ

Ազգային Ժողովում այդպես էլ չկայացավ «Արտակարգ դրության իրավական ռեժիմի մասին» օրինագծի քվեարկությունը: Քաղաքական մեծամասնությունը օրենքի ընդունման համար անհրաժեշտ քվորում չէր ապահովում, իսկ ընդդիմությունը պարզապես չէր մասնակելու քվեարկությանը, որովհետև համարում էր, որ օրենքը հակասում է Սահմանադրութ յանը: Այս առնչությամբ հարցին պատասխանում է ՀՀԿ խմբակցության անդամ Համլետ ՀԱՐՈՒԹՅՈՒՆՅԱՆԸ:

- Օրենքի նախագծում ես հակասահմանադրական որևէ կետ չեմ տեսնում: Դա ներքին գործերին միջամտություն չի: Ըստ օրինագծի, բանակը միջամտում է ծայրահեղ անհրաժեշտության դեպքում: Ե´վ արտաքին վտանգը, և´ ներքին վտանգը, իմ կարծիքով` նույն բանն են: Եթե պետական` զինված հեղաշրջում է սպառնում, մի՞թե բանակը չպետք է մասնակցի: Հեղաշրջումները սովորաբար կատարում են փոքր խմբեր, որոնք չեն հենվում հասարակության մեծամասնության վրա: Ըստ օրինագծի տրամաբանության` բանակը միջամտում է այն ժամանակ, երբ ներքին զորքերը չեն կարողանում այդ վտանգը վերացնել: Ենթադրենք` մեր երկրում հայտնվել է տեռորիստական մի խոշոր ցանց, որը ֆինանսավորվում է դրսի ուժերից: Օրինագծում ասված է` եթե մյուս ուժերը չեն կարողանում այդ խնդիրը կատարել, ապա միջամտում է բանակը: Եվ ես կողմնակից եմ դրան ոչ որպես քաղաքական մեծամասնության ներկայացուցիչ, այլ որպես քաղաքացի: Ինչ վերաբերում է, թե մարտի 1-ին ժողովրդի մի մասը դժգոհ է եղել բանակի գործողություններից, ապա մեծ մասն էլ գոհ է եղել: Դուք տեսե՞լ եք այն ամբոխը, որը կարող էր շատերին կոտորել: Մեր ընդդիմադիրներն ասում են` ժողովուրդը դեմ է: Բայց ես չեմ կարծում, որ «Ժառանգությունն» արտահայտում է ամբողջ ժողովրդի կարծիքը: Քաղաքական մեծամասնությունն է արտահայտում ժողովրդի մեծ մասի կարծիքը, որովհետև ավելի շատ քվե է ստացել ընտրութ յանը: Եթե 5 հոգիանոց խմբակցությունն ասում է, թե արտահայտում է ժողովրդի կարծիքը, քաղաքական մեծամասնությունը նույնն ասելու իրավունք չունի՞

Ա.Դ.