1 ՀԱՐՑ
Արդյո՞ք Հայաստանում նպատակային են ծախսվում մանկատան երեխաների համար բնակարաններ կառուցելու ծրագրով նախատեսված գումարները:
ԱՆԱՀԻՏ ԲԱԽՇՅԱՆ
ԱԺ «Ժառանգություն» խմբակցության անդամ
Հայաստանում մանկատան շրջանավարտների համար բնակարանների կառուցման նպատակով հատկացվող գումարների մի մասը նպատակային չի ծախսվում, և ոմանց համար այդ գումարները դարձել են կերակրամաններ:
Պետությունն այդ նպատակի համար միայն 1 մլրդ 512 միլիոն դրամ է հատկացրել: Սրանք Վերահսկիչ պալատի հաշվետվությունների մեջ ամրագրված թվերն են: Հայաստանում ընդհանուր առմամբ այսօր 310 մանկատան շրջանավարտ դեռ սպասում է բնակարան ստանալու իր իրավունքին:
Տարեկան մանկատնից դուրս է գալիս 30-40 չափահաս երեխա, որոնք ստիպված են սպասել մինչև պետությունն իրենց բնակարանով կապահովի:
