Պետական պահպանության գլխավոր վարչությունը
60 տարեկան է
ՆՈՐԱՄՈՒՏ ԵՎ ԽՆԿԱՐԿՈՒՄ
Խորհրդանշական էր, որ ոստիկանության պետական պահպանության գլխավոր վարչության կազմավորման 60-ամյակին նվիրված հանդիսությունը սկսվեց հանրապետության սահմանների պաշտպանության ժամանակ և ծառայողական պարտականությունները կատարելիս զոհված պետական պահպանության աշխատակիցների հիշատակը հավերժաց նող խաչքար-հուշակոթողի բացման արարողությամբ: Հուշակոթողն օծեց Կոտայքի թեմի առաջնորդ Տեր Առաքել Արքեպիսկոպոս Քարամյանը:
Զոհվածների հուշակոթողին ծաղիկներ դրեցին ոստիկանության պետ Վլադիմիր Գասպարյանը, զոհվածների հարազատներն ու գործընկերները:
Շնորհավորելով պետական պահպանության գլխավոր վարչության կազմավորման 60-ամյակի կապակցությամբ` ոստիկանության պետը հատկապես ընդգծեց օրվա ամենակարևոր խորհուրդը` հավերժ է նրանց հիշատակը, ովքեր իրենց արյամբ ավելի սրբացրին մեր հողը:
- Մենք ոչ միայն կոթողներ պիտի կառուցենք, այլև արժանին մատուցենք մեր զոհված զինակիցների հիշատակին ու դրանով դաստիարակենք մեր սերունդներին,- ընդգծեց ոստիկանության պետը:
Իսկ Պետական պահպանության գլխավոր վարչության բարենորոգված շենքի բացման արարողության ժամանակ ժապավենը կտրելու պատիվը տրվեց զոհված ոստիկաններից մեկի մորը:
Ոստիկանության պետ Վլադիմիր Գասպարյանը շրջեց վարչության տարածքում, եղավ հրաձգարանում, ծանոթանացավ տեխնիկական միջոցներին, դիտեց պետական պահպանության գլխավոր վարչության աշխատակիցների ցուցադրական վարժանքները: Նա իր գոհունակությունը հայտնեց ծառայողների մարտական պատրաստականության, կատարված աշխատանքի կապակցությամբ:
Այնուհետև Ոստիկանության պետի հրամաններով պարգևատրվեցին Պետական պահպանության գլխավոր վարչության պետ Ռոման ՄԿՐՏՈՒՄՅԱՆԸ և մի շարք աշխատակից ներ: ՊՊԳ վարչության մի խումբ աշխատակիցներ էլ պարգևատրվեցին ոստիկանության զորքերի հրամանատար Լևոն Երանոսյանի կողմից:
Հանդիսությունը ավարտվեց ՊՊԳՎ 60-ամյա ուղու մասին պատմող ֆիլմի ցուցադրությամբ: