Ճապոնական իմաստնություն
Եթե խնդիրը կարելի է լուծել, ապա չարժե դրա համար անհանգստանալ: Եթե խնդիրն անլուծելի է, ուրեմն անօգուտ է դրա համար անհանգստանալը:
Մտածելով որոշիր, իսկ որոշելուց հետո` մի´ մտածիր:
Ավելի լավ է լավ մարդու թշնամին լինել, քան վատ մարդու բարեկամը:
Առանց սովորական մարդկանց մեծերը չեն լինի:
Ով շատ է ցանկանում վեր բարձրանալ, նա սանդուղք է հորինում:
Այր ու կին պետք է լինեն ձեռքերի և աչքերի պես. երբ ձեռքը ցավում է, աչքերը լաց են լինում, իսկ երբ աչքերը լալիս են` ձեռքերը սրբում են արցունքները:
Արևը չի ճանաչում արդարներին: Արևը չի ճանաչում անարդարներին: Արևը փայլում է` առանց որևէ մեկին տաքացնելու նպատակի: Փորձիր նմանվել արեգակին:
Ծովը շատ մեծ է, որովհետև փոքր գետակներից էլ չի խորշում:
Հեռավոր ճանապարհն էլ սկսվում է մոտիկից:
Ով խմում է` չգիտե գինու վնասները: Ով չի խմում, չգիտե նրա օգտակարությունը:
Եթե նույնիսկ սուրը կարող է պետք գալ կյանքում մեկ անգամ, միևնույն է` այն կրել է պետք միշտ:
Վիշտը պատռված զգեստի նման պետք է տանը թողնել:
Եթե սեր կա` ծաղիկ հիվանդությունից հետո մնացած խոցերը նույնքան գեղեցիկ են, որքան այտերի փոսիկները:
Մի բարի խոսքը կարող է ջերմացնել ձմռան երեք ամիս:
Ճանապարհ զիջիր հիմարներին ու հոգեգարներին:
Երբ ճյուղ ես նկարում, պետք է լսել քամու շունչը:
Մինչ մարդուն կասկածելը յոթն անգամ ստուգիր:
Ծայրահեղ ազնվությունը մոտ է հիմարությանը:
Երջանկությունը մտնում է այն տուն, ուր ծիծաղում են:
Հաղթանակը տրվում է նրան, ով մեկուկես ժամ ավելի կդիմանա, քան իր հակառակորդը:
Երբեմն տերևը սուզվում է, իսկ քարը լող տալիս:
Ժպտացող դեմքին նետ չեն արձակում:
Սառը թեյն ու սառը բրինձը տանելի են, բայց սառը հայացքն ու սառը խոսքն` անտանելի:
Եթե կինը ցանկանա` ժայռի միջով էլ կանցնի:
Հարցնելն ամոթ է մի պահ, իսկ չիմանալն ամոթ է ողջ կյանքում: