«Կյանքն անարդար է, բայց այդուհանդերձ լավն է»
Քլիվլենդցի (ԱՄՆ, Օհայո նահանգ) ճանաչված լրագրողուհի Ռեգինա Բրեթի այն հվաստիացումներից մեկն է սա, ինչում նա համոզվել է իր կյանքի առաջին 45 տարում և վերահամոզվել` շուրջ 10 տարի անց:
Ընթերցենք ու խորհենք միասին:
աԿյանքն անարդար է, բայց այդուհանդերձ լավն է:
աԵթե կասկածում ես, ևս մի փոքրիկ քայլ արա դեպի առաջ:
աԿյանքը չափազանց կարճ է, որպեսզի այն վատնես ատելության վրա:
աԱշխատանքը չի հոգում քո մասին, երբ հիվանդանում ես: Դա անում են քո մտերիմներն ու ծնողները: Պահպանիր այդ հարաբերությունները:
աԱմեն ամիս վճարիր պարտքերդ:
աՊարտադիր չէ, որ հաղթես ամեն վեճում. համաձայն ես, թե ոչ...
աԱրտասվիր ինչ-որ մեկի հետ: Դա ավելի լավ է բուժում, քան լացը` մենության մեջ:
աԹույլատրելի է նեղանալ Աստծուց էլ. Նա կհասկանա:
աԹոշակիդ համար կուտակիր առաջին իսկ աշխատավարձիցդ:
աԵրբ գործը հասնում է շոկոլադին` ընդդիմանալն անիմաստ է:
աՀաշտվիր անցյալիդ հետ, որպեսզի այն չփչացնի քո ներկան:
աԿարող ես քեզ թույլ տալ` արտասվել նաև երեխաներիդ ներկայությամբ:
աՔո կյանքը ուրիշի հետ մի´ համեմատիր: Դու պատկերացում անգամ չունես, թե այդ ուրիշն ինչ է զգում իրականում:
աԵթե ինչ-որ հարաբերություններ պետք է գաղտնի լինեն, պետք չէ, որ դու մասնակցես դրանց:
աԱմեն ինչ կարող է փոխվել մեկ ակնթարթում: Բայց մի հուզվիր. Աստված երբեք աչքից բաց չի թողնում:
աԽորը շնչիր` դա հանգստացնում է մտքերը:
աԱզատվիր (հրաժարվիր) այն ամենից, ինչը չի կարելի անվանել օգտակար, գեղեցիկ կամ զվարճալի:
աԱյն, ինչը չի սպանում, քեզ ավելի ուժեղ է դարձնում:
աԵրբեք ուշ չէ` երջանիկ մանկություն ունենալու: Միայն թե` երկրորդ մանկությունը բացառապես կախված է քեզանից...
աԵրբ գալիս է ժամանակը` անելու (կամ` ունենալու-խմբ.) այն, ինչը դու իսկապես սիրում ես այս կյանքում, մի ասա «ոչ»:
աՄոմեր վառիր, օգտագործիր լավ սավաններդ, հագիր գեղեցիկ սպիտակեղենդ... Ոչինչ մի պահիր հատուկ առիթի համար: Հատուկ առիթն այսօր է:
աԱրտասովոր եղիր հիմա: Մի սպասիր ծերությանը, որպեսզի վառ կարմիր շոր հագնես:
աՆախապատրաստվիր լիառատորեն, իսկ հետո ինչ լինում է` թող լինի:
աՍեքսում ամենակարևոր օրգանը ուղեղն է:
աՔեզանից բացի ուրիշ ոչ ոք պատասխանատվություն չի կրում քո երջանկության համար:
աՑանկացած կարևոր քայլ անելիս հարց տուր` դա կարևոր կլինի՞ 5 տարի հետո:
աՄիշտ ընտրիր կյանքը:
աՆերիր ամեն ինչ ու բոլորին:
աՔեզ չպետք է հուզի, թե ուրիշներն ինչ են մտածում քո մասին:
աԺամանակը բուժում է գրեթե ամեն ինչ: Ժամանակ տուր ժամանակին:
աԿարևոր չէ` իրավիճակը վատն է, թե լավը. այն փոխվելու է:
աԻնքդ քեզ շատ լուրջ մի ընդունիր. ոչ ոք այդ չի անում:
աՀավատա հրաշքներին:
աԱստված սիրում է քեզ, որովհետև նա Աստված է, այլ ոչ թե այն պատճառով, որ դու ինչ-որ բան արել ես, թե ոչ:
աՀարկավոր չէ ուսումնասիրել կյանքը: Դու այնտեղ հայտնվում ես և անում այնքան, որքան հասցնում ես:
աԱռավել շահեկան այլընտրանք է ծերանալը, քան ջահել մեռնելը:
աՔո երեխաները միայն մեկ ապագա ունեն:
աԱմենը, ինչը վերջնարդյունքում իմաստ ունի, դա այն է, որ դու սիրել ես:
աԶբոսնիր ամեն օր. հրաշքներ կատարվում են ամենուր:
աԵթե մենք ի մի բերենք մեր բոլոր հիմնախնդիրներն ու դրանք համեմատենք ուրիշների խնդիրների հետ` իսկույն կընտրենք մերը:
աՆախանձը ժամանակի անտեղի կորուստ է: Դու արդեն ունես այն ամենը, ինչ հարկավոր է:
աԱյնուամենայնիվ, ամենալավը դեռ առջևում է:
աԿարևոր չէ, թե ինչպես ես քեզ զգում. վեր կաց, հագնվիր ու գնա մարդկանց մեջ:
աԶիջի´ր:
աԹեև կյանքը կապված չէ ժապավենով, միևնույնն է` այն նվեր է: