Այո, Հայաստանը երբեք էլ Ռիո դե Ժանեյրո չի դառնա, բայց գնալով ավելի ու ավելի շատ է հիշեցնում Սիցիլիան: Նախորդ ամսավերջին իրար հաջորդած մի քանի սպանություններից տևական ժամանակ է անցել, սակայն անցնող շաբաթներին էլ չշեղվելով իր որդեգրած կուրսից, ոստիկանությունը նշված հանցագործություններից և ոչ մեկը չի բացահայտել:

Ընտրությունները մեր երկրում տոնի այդպես էլ չեն վերածվում: Անկարելի է մտաբերել որևէ քվեարկություն, որը դժգոհությամբ, հակասություններով, սպառնալիքներով, տեղական ու համահանրապետական հանրահավաքներով, ծեծկռտուքով ու մեզ քաջ ծանոթ մյուս «ընտրական» բաղադրիչներով համեմված չլինի:

Ղարաբաղյան հակամարտության խաղաղ կարգավորման շրջանակում նոյեմբերի 2-ին Մոսկվայում Ռուսաստանի, Հայաստանի և Ադրբեջանի նախագահների եռակողմ հանդիպման արդյունքում ընդունված հռչակագիրը հույս ներշնչեց, թե մոտ ապագայում հակամարտությունը վերջապես կլուծվի:

ԱՌԱՋԻԿԱ տարեսկզբից մեզ սպասվող է°լ ավելի հոգսաշատ կյանքի գլխավոր ուղեկիցը, ըստ ամենայնի, միայն գնաճը չի լինելու և ոչ էլ նախորդ փորձերից վերցված այն կանխատեսումը, թե, միևնույն է, բարձրացվելիք աշխատավարձերը հազիվ թե կարողանան թռչող գների հետևից հասնել:

ԱԺ հերթական քառօրյայում քննարկվեց «ՀՀ զինանշանի մասին» օրենքում փոփոխություններ կատարելու հարցը: Հիշեցնենք, որ Հայաստանի ֆուտբոլի հավաքականը Թուրքիայի հավաքականի հետ խաղից ընդամենը 1-2 օր առաջ թիմի տարբերանշանից թեթև ձեռքով հանել էր Արարատի խորհրդանիշը:

Այսպես է կարծում Եվրահանձնաժողովը Եվրոպական միասնական արժույթի գոտում ընդգրկված երկրները, կարելի է ասել` ոտնադրել են անկումային փուլ. այսպիսի եզրահանգումներ են պարունակվում ԵԽ բարձրագույն մշտական գործադիր մարմնի տարածած զեկույցում` նվիրված եվրոպական երկրների տնտեսության վիճակին (տեղեկացնում է ԻՏԱՌ-ՏԱՍՍ-ը):

Նոյեմբերի 7-ին ռուս կոմունիստների հոծախումբ զանգվածները դարձյալ կարմիր դրոշներով դուրս էին եկել Մոսկվայի փողոցները` երթով, բոցաշունչ ճառերով նշելու իրենց համար դեռևս մեծ խորհուրդ պարունակող հոկտեմբերյան հեղաշրջման 91-րդ տարեդարձը:

Հայաստանում ցորենի գնի համաշխարհային վայրիվերումներին զուգահեռ պարտադիր քննարկման անհրաժեշտություն է թելադրում հացի ինքնարժեքը: Առաջին անհրաժեշտության սննդամթերքներից կարևորագույնի արտադրությունը միշտ էլ գերշահույթի աղբյուր է եղել, քանի որ անգամ սոցիալապես անապահով խավն է ստիպված հացամթերք գնել:

Առաջին զոհերը Որոշ լրատվամիջոցներ արդեն ծանուցում են տնտեսական ճգնաժամին կուլ գնացող ոլորտների մասին: Եվրոպայում, օրինակ, այդ աղետը ցավագին հարված է հասցրել սպասարկման ոլորտին. առաջին տուժողների շարքերում են ռեստորանների, փոքր հյուրանոցների, մանր-մունր զբոսաշրջային ընկերությունների տերերը:

Երեկ ՀՀ պաշտպանության նախարար Սեյրան Օհանյանի գլխավորած պատվիրակությունը երկօրյա պաշտոնական այցով մեկնեց Թբիլիսի` Վրաստանի պաշտպանության նախարար Դավիթ Կեզերաշվիլու հրավերով:

ՀՀ պաշտպանության նախարար Ս. Օհանյանն այցելեց Նուբարաշենում տեղակայված ՀՀ ՊՆ հատուկ նշանակության գունդ` մասնակցելու գնդի 16-ամյակի կապակցութ յամբ կազմակերպված տոնական միջոցառմանը, որին մասնակցում էին նաև ՀՀ ԶՈւ գլխավոր շտաբի պետ-պաշտպանության նախարարի առաջին տեղակալ, գեներալ-գնդապետ Յու. Խաչատուրովը, ՀՀ ԶՈՒ բարձրաստիճան սպայակազմը, Հայաստանում դիվանագիտական առաքելություն իրականացնող ռազմական կցորդներ, պաշտոնատար այլ անձինք:

Սերժ Առաքելյանը ծնվել է Արցախի Մարտունու շրջանի Խերխան գյուղում£ Երկար տարիներ աշխատել է Բաքվի «Կոմունիստ» հայկական թերթի խմբագրությունում£ 1988 թվականից ապրում է Երևանում£ 1994-2004 թթ. աշխատել է ՀՀ Պաշտպանության նախարարության համակարգում` որպես զինվորական լրագրող£ Հեղինակ է բանաստեղծական և արձակ 5 գրքերի, բազմաթիվ ակնարկների և հրապարակախոսական հոդվածների, որոնց հերոսները հայրենիքի պաշտպանության, Հայոց բանակի ստեղծման սուրբ գործի նվիրյալներն են£ Այսօր արդեն պահեստի մայոր Ս. Առաքելյանն աշխատում է ՀՀ ՊՆ Վ. Սարգսյանի անվան ռազմական ինստիտուտում` շարունակելով լայն զանգվածներին ներկայացնել Հայոց բանակի նվաճումները£ Վերջերս լույս տեսած նրա «Ոգի և հավատ», «Արցախ. ներշնչանքի ծաղիկ հրեղեն» արձակ գրքերը ջերմ ընդունելության արժանացան ընթերցող ների կողմից£ Շնորհավորում ենք Ս. Առաքելյանի ծննդյան հոբելյանը, տպագրելով գրկույկում զետեղված ակնարկներից մեկը` գնդապետ, մարտական շքանշանների ասպետ Ֆելիքս Պողոսյանի մասին£ :

Մեծագույն հարգանքի են արժանի բոլոր նրանք, ովքեր ազատամարտի օրերի քուրայով անցել, իրենց կյանքն են նվիրաբերել հայրենիքի պաշտպանությանը: Նրանցից շատերն այսօր էլ շարքում են, մարդիկ, ովքեր հաղթանակով են տուն վերադարձել, իրենց ճակատագիրն ընդմիշտ կապել Հայոց բանակի հետ, ամբողջովին նվիրվել զինվորական գործունեությանը:

Մինչ Նահանգների նորընտիր առաջնորդը շնորհավորանքներ է ստանում ու տոնում է իր հաղթանակը, վերլուծաբաններն իրենց կարծիքներն են ամփոփում երկու ամսից նախկին դարձող Բուշի մասին: Ըստ ԱՄՆ-ի Նիքսոնի կենտրոնի նախագահ Դմիտրի Սայմսի` «Բուշի` բանականությամբ չծանրաբեռնված համառությունը վերածվեց վտանգավոր կամակորության»:

Այն քառամյա պատմություն ունի: Ինչպես երկուշաբթի օրը տեղեկացրել է New York Times-ը` 2004-ից ԿՀՎ-ը գաղտնի գործողություններ է իրականացնում Մերձավոր Արևելքում:

Ուկրաինայի կողմից Վրաստանին 20 % զեղչով զենքի մատակարարման գործից նոր մանրամասներ են ի հայտ բերվել: Գերագույն ռադայի պատգամավոր Վալերի Կոնովալյուկն անցյալ շաբաթ հայտարարել է, որ Վ. Յուշչենկոն վրացական բանակը զինելու դիմաց իր բարեկամ ու սանիկ Սահակաշվիլիից ստացել է թանկարժեք նվերներ:

Մեքսիկայի հյուսիս-արևմտյան Սինալոա նահանգում անցյալ շաբաթ թմրավաճառները 1 օրում սպանել են 19 մարդ, որոնցից 3-ը 14-17 տարեկան անչափահասներ են: Դուրանգո նահանգում հրոսակախմբերի փոխհրաձգության արդյունքում զոհվել են 9 հոգի:

Նաև այսպես են անվանում Սպիտակ տան սևամորթ նոր տիրուհուն Յուրաքանչյուր նոր նախագահի մուտքով փոխվում է ոչ միայն Սպիտակ տան ոճը, այլև Ամերիկայի մայրաքաղաքի մշակութային ու բարձրահարգ կերպարը:

Միացյալ Նահանգների նախագահի երդմնակալությանը խնամքով է նախապատրաստվել նաև «Ջեներալ մոթըրս» ընկերությունը, նաև «USA-1» համարանիշով նորաոճ «Կադիլլակը» 2009-ի հունվարի 20-ին մուտք կգործի «Սպիտակ տան» ավտոկայան:

Լավ է, որ մեր օրերում, գուցե թե մշակութային կյանքին ընթացիկ աշխուժություն հաղորդելու նպատակադրվածությամբ, պետությունը իր սուղ գանձարանից միջոցներ է հատկացնում նորարարական¬փորձարարականի հավակնությամբ նախագծերին ևս£ Իրենց ստեղծագործական մտահղացումների կենսագործման ռեալ հնարավորություն ստացած արվեստագետները կարողանում են ապացուցել երևակայության ու մտքի ներդաշնակված սլացքի, բնատուր օժտվածության ու արարչական հմտությունների իրական արժեքավորությունը կոնկրետ աշխատանքներով£ Ներկայացնելով արվեստասեր հանրությանը`ամենահավաստի կողմնորոշիչներով գործնականում ճգրտում են դրանց պիտանիության չափը բարձր արվեստի տեսակետից£ Նաև` սեփական արարչագործության սահմանները£ Այս առումով պետք է, որ իրադարձային նշանակություն ձեռք բերեր Դավիթ Սաքոյանի և Սեդրակ Երկանյանի համաստեղծագործությամբ ծնված «Վարք հիմարաց» երկարար մինի օպերան£ Մեկուկես տասնամյակ մտմտալով Թումանյանի հանրածանոթ հեքիաթների նորովի երաժշտականացման շուրջ` Հայաստանի հնագույն երաժշտության «Տաղարան» համույթի գեղարվեստական ղեկավարը երազում էր Կոմիտասի անվան կամերային երաժշտության տանը բեմադրել «Խելոքն ու հիմարը», «Բարեկենդանը», «Անբան Հուռին» և «Կիկոսը» խաղերգերը` սյուժետային գծով միավորված ու նորաոճ երաժշտականացմամբ անսովոր հետաքրքրաշարժ£ ՀՀ Մշակույթի նախարարությունից ստանալով իր իսկ հաշվարկած 997 հազար դրամը` վաղեմի փափագի ի կատար ածման ռեալականության անակնկալից խանդավառված, պատվիրում է սիմֆոնիստ, օպերաների ու կամերային բազում գործերի հեղինակ Դավիթ Սաքոյանին գրել «Վարք հիմարաց»¬ի երաժշտությունը£ Ի դեպ, վերջինիս ուրախությունն էլ կրկնակի էր, քանզի 15 տարի նրա գոյության մասին, կարելի է ասել, գրեթե մոռացել էին£ Չունենալով բեմադրական փորձ` Երկանյանը ձեռնարկում է ժողովրդական բանահյուսության ու երաժշտության փոխներթափանցմամբ հորինված այս երաժշտակտավի թատերայնացմանը` ջանալով մեկտեղել օպերային արվեստին բնորոշ կարևոր տարրերը` երգ, երաժշտություն, դերասանական խաղ, բեմանկարչություն£ …Նախապես հայտարարված անսովորի կամ արտասովորի հետ հանդիպմանը բոլոր հավաքվածներն էին սրտի թրթիռով սպասում£ Պարտերի առաջին շարքերին մերձ կիսաշրջան էին կազմել «Տաղարան»¬ի երաժիշտները£ Բեմի, մեղմ ասած, աղքատիկ ձևավորումն առանձնապես ուշադրության արժանի չէր` նկարեն անշուք սավաններ, մանր¬մունր կենցաղային առարկաներ, դիմացի պատին` մի հնամաշ գորգ, լաթանման վարագույրով ծածկված երգեհոնի ստեղնաշար… Երևում է Պերճ Քարազյանի Հիմարը` համարժեք հանդերձավորմամբ ու բեմական վարքագծով, երաժշտական երկխոսության մեջ է մտնում Հովսեփ Նշանյանի Խելոքի հետ£ Հանդիսատեսը անմիջապես հայտնվում է ծանոթ հեքիաթի տիրույթում£ Բեմառաջքից տարածվող կենդանի երաժշտությունը ժամանակ առ ժամանակ խաթարում է հեքիաթային տպավորությունը իր թեմատիկ անհամապատաս խանությամբ£ Փոքրածավալ, պարզունակ խաղարկային ձևերով տարված մանուկ հանդիսատեսը շարունակում է հետաքրքրվել հայտնի պատմությունների սյուժետային գծի հետագա զարգացմամբ£ Մեծահասակները, երաժշտական հենքի անհամարժեքության ուժգնացող ներգործությամբ, դժվարանում են սրված պահել ուշադրությունը£ Փոքր¬ինչ աշխուժանում են դատարանի տեսարանում, երգեհոնի հնչեղ միջամտությամբ£ Ապա` Լուսինե Մարկոսյանի հուռիական սեթևեթանքով, որ սկսում է ի հայտ գալ «Բարեկեն դան»¬ում` սահուն անցնելով «Անբան Հուռին» ու «Կիկոսը» դրվագներին£ Երկձայն ու քառաձայն կատարումների ընթացքում առանձնակի ցցուն է արտահայտվում երաժշտության անբարենպաստ «դերակատարությունը»£ Փոքրիկները դյուրությամբ են շրջանցում այդ արգելապատնեշը` անքթիթ որսալով 4 հիմնական դերակատարների մարմնավորած Հիմարի ընդհանրական կերպարի բեմական դրսևորումներում ի հայտ եկող զավեշտախառն իմաստային անցումները, տեղ¬տեղ զվարթանալով£ Թումանյանի գրական աշխարհին քաջատեղյակ լուրջ երաժշտասերները այդպես էլ չեն կարողանում ազատագրվել երաժշտության անհամարժեքության նյարդացունց ճնշումից£ Եվ… լուրջ արժանիքներ գտնել «Վարք հիմարաց» խառնածին երաժշտական ստեղծագործության իրենց մատուցված թատերայնացման մեջ£ Ակնհայտ է պրոֆեսիոնիալիզմի պակասը, մտահղացված փորձարարության անկատարությունը£ Այնքան ակնհայտ, որ դերամարմնավորման որոշակի կարողություններ ցուցանող, ձայնային բնատուր օժտվածությամբ հմայող մի քանի դերակատարների միաձույլ ջանասիրությունն անգամ ի զորու չէ հասունացնել ու մերձեցնել այս երաժշտախաղը բարձր արվեստի մատույցներին£ Ավաղ... :

Վերջին շրջանում ամենից ավելի արգասաբեր են երաժշտարվեստի զարգացմանը տրամադրված պետական ֆինանսական ներարկումները: Իրարահաջորդ հաջողություն ները կայուն երաշխիք են դառնում բնագավառին առանձնահատուկ վերաբերմունք ցուցաբերելու:

Սաքսոֆոնահարների հանրապետական I մրցույթի վերջնահամերգը տոնական ակորդով մեկնարկեց£ Կայացման հաջողությամբ ոգևորված` «Հայաստանի պատանի սաքսոֆոնահարների ասոցիացիայի» նախագահ Կարեն Մանուչարյանի հումորաշաղախ խոսքի կենսախինդ լավատեսությունը փոխանցվեց Կոմիտասի անվան կամերային երաժշտության տանը հավաքված հետաքրքրասերներին£ Երջանիկ զուգադիպությամբ` հայ սաքսոֆոնահարների նոր սերնդի կազմավորումն ազդարարող համերգ-մրցանակաբաշխութ յունը տեղի էր ունենում գործիքի կնքահայր բելգիացի նշանավոր վարպետի ծննդյան 194¬րդ տարեդարձի օրը£ Զավեշտական է թվում այսօր պատմությունը, թե ինչպես 1845¬ին Ադոլֆ Սաքսը ստիպված է եղել մեծ տուգանք վճարել կլառնետի կատարելագործմամբ արույրից 1841¬ին պատրաստած նոր երաժշտական գործիքը իր անունով կոչելու շառլատանական հանդգնության համար£ Հոր ղեկավարությամբ պղձնափողային գործիքների պատրաստմանը ձեռնարկած վարպետը չի ընկրկել` 1857¬ից դասավանդելով Փարիզի կոնսերվատորիայում, այդուհետև հեղինակելով սաքսոֆոնի տարատեսակներն ու մեթոդական ձեռնարկներ£ Անեկդոտի է վերածվել դատավարության տհաճ պատմութ յունը, մոռացվել են դրա մասնակիցների անունները£ Նվագախմբային ուրույն հնչեղությամբ տարատեսակ սաքսոֆոնները մոտ 2 դար իրենց պատվավոր տեղն են զբաղեցնում բազմաբնույթ նվագարանների մեծ ընտանիքում£ Եվ այսօր դրանց ապրեցնելուն են զինվորագրվում 17 հայ երաժիշտ կատարողներ ևս£ Իսկ որ նրանք բոլորն էլ շնորհալի են, հավաստում են մասնագիտական հանձնախմբի հինգ անդամներն էլ£ «Միջազգային շատ մրցույթների եմ մասնակցել,¬ ասում է ԵՊԿ «Ակադեմիական սաքսոֆոն» դասարանի պրոֆեսոր Ալեքսանդր Մանուկյանը£¬ Հավատացնում եմ, քառօրյա ունկնդրությունների անմիջական տպավորությամբ, ոչ մի երկրում այսքան լավ չեն նվագում մրցույթի ժամանակ»£ Հայկական ջազի նահապետ Մարտին Վարդազարյանը, վերհիշելով հին օրերը, երբ կլառնետահարներն էին Երևանում սաքսոֆոն հնչեցնում, այն էլ` լենինգրադյան արտադրության, ծանրաքարշ, գոհունակություն է հայտնում տաղանդավոր երիտասարդներին ի հայտ բերելու ու նրանց կայացման ճանապարհի նյութական դժվարությունները հոգալու պետական բարյացակամության համար£ Բազմաձայնված երախտագիտության խոսքերը, ուղղված ՀՀ Մշակույթի նախարարությանը, խորհրդանշական ընծայով են ամրագրվում` սաքսոֆոն ժամացույցով£ Իսկապես եկել է սաքսոֆոնի ժամանակը:

Պարույր ՀԱՅՐԻԿՅԱՆ. ԱԻՄ նախագահ «Արարատն ինձ համար միայն սար չէ» ¬ Ի՞նչն է կյանքում ամենադժվարը եղել Ձեզ համար£ - Դժվարություններ շատ են եղել, բայց ամենադժվարը չեմ կարողանում առանձնացնել£ Օրինակ` երկրորդ կալանքը շատ դժվար էր, որովհետև առաջին կալանքի ժամանակ ռոմանտիզմ կար, ու չգիտեի էլ, թե ուր եմ գնում և պետքս էլ չէր£ Երկու անգամ եղել եմ կԽՁ կոչվածում` այդ ամենախիստ բանտային ռեժիմի մեջ, մի հարյուր օր էլ մենախցերում եմ անցկացրել և նորից այդտեղ գնալս ծանր էր… - Եթե ոչ հայ, ապա ո՞ր ազգի ներկայացուցիչ կնախընտրեիք լինել£ - Չեմ մտածել այդ մասին£ Ասենք հայ լինելն էլ այնքան մի մեծ երջանկություն չէ, բայց հայ եմ, ուրեմն պետք է պատվեմ իմ ծնողներին, իմ ազգությանը, նվիրվեմ նրա լավ լինելուն£ Կարող ես նույն հաջողությամբ հպարտանալ ուկրաինացի, գերմանացի, ֆրանսիացի, հրեա լինելով£ Ժամանակակից հասկացությամբ ԱՄՆ¬ն է շատ բաներով ինձ համար համակրելի, ինչպես նաև այսօրվա եվրոպական արժեքային համակարգին հետևող, իրապես նրան հավատարիմ եվրոպական միության երկրները£ Իսկ առաջնահերթ համակրում, սիրում ու նվիրված եմ իմ ազգին` հայությանը և նրա դրական որակներին` Հայք Նահապետից սկսած£ Տեսեք` ասացի, որ հայերին հատուկ մեծ առավելություն չեմ տալիս, չեմ գտնում, որ մենք բացառիկ ենք, բայց մտքիս ծայրով անգամ չի անցել ինչ¬որ այլ ազգի ներկայացուցիչ լինելը£ Եթե ինչ¬որ մի ազգի մեջ դրականը տեսնում եմ, ապա դա փնտրում եմ մեր ազգի մեջ, իսկ չգտնելու դեպքում փորձում եմ ինքս ստեղծել£ ¬ Ձեր կյանքի որևէ գաղտնիք կամ անցյալում այն չասածը, ի՞նչն այժմ կբարձրաձայնեիք£ ¬ Ճիշտ կլինի ասել չասվածը, բայց դա էլ հարաբերական է. բաներ կան, որոնց մասին հրապարակավ չեմ խոսում, որովհետև անձնական է, իսկ անձնականը պետք է անձիդ էլ պատկանի£ Հասարակությանը պետք է ներկայանաս հասարակական հետաքրքրություն առաջացնող երևույթներով£ Հիմա էլ չեմ կարծում, թե իմ անձնականը ինչ¬որ մեկին պետք է` բացի մի քանի բամբասկոտներից£ Այն, ինչը որ չեմ ասել, այն պատճառով չէ, որ իմն է` շատ գաղտնի է, այլ գտնում եմ, որ ուրիշն էլ իր անձնականն ունի և թող դրանով ապրի£ Որ չասեմ էլ, ինքն իր անձնականով է ապրելու£ - Ի՞նչն է Ձեզ համար դեռևս առեղծվածային£ ¬ Առանձնապես առեղծվածային բաներ չկան կյանքում. ես գիտեմ` որտեղ է ճշմարտությունը£ Հետևաբար, նույն ճշմարտությունն էլ ինձ սովորեցրել է հասկանալ, որ մարդը կատարյալ չէ և կարող է տարբեր դրսևորումներ ունենալ£ Երբ երիտասարդ ես, ծայրահեղական մոտեցումներին ես տուրք տալիս£ Հասունացման ընթացքին զուգահեռ կարողանում ես հասկանալ մարդկանց շեղումները, առաջին հայացքից գուցեև անթույլատրելի, բայց մարդկային թուլությունները, թերացումները£ Նույնիսկ անըմբռնելի հանցավոր մղումները առեղվածային չեմ համարում, հանցագործը հանցագործ է` իր մտածելակերպով, իր սատանայական կեցվածքով£ Կարող էի, ասենք, առեղծվածային համարել մի շարք քաղաքական գործիչների պահվածքը` ազգի համար կարևորագույն հարցերում նրանց բթամտությունը£ Բայց հետո հասկանում եմ, որ դա էլ առեղծվածային չէ. «ՊԱԿ»¬ի գործակալ են, օտարի սպասավոր, նյութի գերի, վախկոտ և հազար ու մի բան£ ¬ Որևէ զավեշտալի դեպք` Ձեր կյանքից կամ սիրելի անեկդոտը£ ¬ Առաջին կալանքիս ընթացքում մենք հպարտանում էինք, որ ՊԱԿ¬ը չկարողացավ բացահայտել մեր` Ազգային Միացյալ կուսակցության անդամներ լինելը£ Դա համարում էինք մեր մեծագույն հաջողությունը£ Երկրորդ կալանքի ընթացքում ՊԱԿ¬ը կրկին փորձում էր նույնը ապացուցել ու նաև այն, որ ես ԱՄԿ¬ի ղեկավարն եմ£ Մենք, դա ժխտելով պնդում էինք, որ անկախական ենք£ Ինչ-որ պահի ես հասկացա, որ դա կարող էր մեր վերջին հնարավորությունը լինել, որովհետև պայքարը ոչ թե վերջանում է կալանքով, այլ կալանքով սկսվում է պայքարի երկրորդ փուլը£ Դա իմ տակտիկական նորամուծությունն էր պայքարի մեջ£ Եվ մենք այդ խիստ մեկուսացված պայմաններում մարդկանց համակրանքն էինք շահել, ու նույնիսկ հսկիչները սկսել էին աշխատել մեզ համար£ Բոլորի հետ կապ հաստատելով տեղեկացրի, որ սկսեն խոստովանել, թե Ազգային Միացյալ կուսակցության անդամ եմ£ ՊԱԿ¬ի ուրախությանը չափ չկար, խանդավառված մեկը մյուսի հետևից խոստովանականներ էին գրանցում. 20¬ից ավելի մարդ£ Նույնիսկ Մոսկվայի հրամանով փոխգնդապետ Ծատուրյանը գնդապետ դարձավ, քանի որ ճիշտ մարտավարության շնորհիվ կարողացել էր կոտրել համառ բանտարկյալների կամքը£ ՊԱԿ¬ը հազիվ էր հասցրել ուրախանալ, մենք հայտարարեցինք հացադուլ` ԱՄԿ¬ի անունից անկախության հանրաքվե պահանջելով£ Նրանք խելագարվեցին£ Ասում են. «Ո՞նց, ի՞նչ ԱՄԿ»£ Մենք էլ համառում էինք, որ արդեն խոստովանել ենք, և իրենք էլ գրանցել են£ Դե հիմա էլ գրանցեք, որ այս գրանցված ԱՄԿ¬ականները պահանջում են անկախության հանրաքվե£ Նույն ոճով շարունակում էինք դատարաններում£ Կարող է առաջին հայացքից այնքան էլ ծիծաղելի չթվալ, բայց մի երկու տարի հետո սկսեցին բոլոր հայերին հերթով ազատ արձակել£ Ինձ խնդրում, աղաչում էին. «Արի` ազատվի, գնա»£ Ես էլ ասում էի. «Եթե ազատվելու եմ ու թույլ չտաք գործեմ, ինչի՞ս է պետք նման ազատությունը»£ - Մանկության այն հուշը, որը մինչև հիմա ուղեկցում է Ձեզ£ ¬ Վանեցի և պոլսեցի տատիկներիս պատմածները£ Պոլսեցի տատիկս Եղեռնի վերապրողներից էր և պատմում էր, թե ինչպես մտավորական պապիս` Հայրիկյան Աբրահամին, ապրիլի 24¬ին տարել են, հետո մերոնք գնացել են նրա ետևից. բոլորի վիճակը շատ ծանր է եղել£ Իսկ վանեցի տատիկս պատմում էր. «Դիմադրեցինք, հաղթեցինք, հետո ռուսները մեզ ստիպեցին հեռանալ»£ Այսինքն` վանեցիները հաղթել են և ո°չ Մուսա լեռան պես. հաղթել են տեղում` որպես պետություն£ Բայց հայ ժողովրդի ոխերիմ «բարեկամ» ռուսական շովինիզմը ստիպեց Վանը դատարկել£ Պատմում էր նաև, թե ինչպես են ճանապարհին կանայք իրենց երեխաներին գցել Արճեշ գետը, որպեսզի քրդերը չտանեն:

Կահիրեից Կասաբլանկա թռչող երթուղու ուղևորներից մեկն անցյալ շաբաթ Մադրիդի օդակայանում մոտեցել է ոստիկանին և տեղեկացրել, որ ցանկանում է Իսպանիայում քաղաքական ապաստան խնդրել£ 28-ամյա այդ երիտասարդը չի թաքցրել իր ինքնությունը և կարգուկանոնի ապշահար պահապանին բացատրել է, որ ինքը աշխարհի բոլոր հատուկ ծառայությունների կողմից փնտրվող թիվ 1 ահաբեկիչ Ուսամա բեն Լադենի յոթ որդիներից 4¬րդն է` Օմար բեն Լադենը£ Կրտսեր բեն Լադենը այս տարի ապրիլին ապաստան ստանալու խնդրանքով դիմել էր Կահիրեում Մեծ Բրիտանիայի դեսպանությանը£ Բրիտանացիք, սակայն, ձգձգել են պատասխանը£ Իսպանիան նույնպես դեռ լռում է, սակայն տղային ուղարկել են փախստականների կենտրոն£ Իր կյանքի առաջին 10 տարիներն Օմարը հոր հետ ապրել է Սուդանում, ապա` Աֆղանստանում, որտեղ մինչև 2000 թ.¬ը վարժանքներ է անցել ահաբեկիչների ճամբարում£ Այնուհետև անսպասելիորեն հարաբերությունները խզել է հոր հետ£ 2001¬ի սեպտեմբերին, երբ Նյու Յորքում տապալվեցին երկվորյակ աշտարակները, Օմարը գտնվել է Սաուդյան Արաբիայում£ Հիմա նա իր հարցազրույցներում պնդում է, որ ամեն կերպ փորձում է ազատվել ահաբեկիչներից£ Ինչպես արդեն տեղեկացրել էինք մեր ընթերցողներին` Օմարն իր ներկայիս կնոջ` բրիտանահպատակ, 52-ամյա Զաինե¬ալ¬Սաբահի 6¬րդ ամուսինն է£ Սա երիտամարդի երկրորդ ամուսնությունն է£ Ավստրիական Ջիդդա քաղաքում նրան պատկանող ընկերությունը զբաղվում է մետաղի ջարդոնի վերամշակմամբ£ :

Բելգիացի սենատոր Միշել Դելակրուան պաշտոնանկ է արվել` զրկվելով «Ազգային ճակատ» կուսակցության առաջնորդի պաշտոնից: Պատճառը տեղական հեռուստաա լիքներով հեռարձակված տեսագրությունն է, որտեղ նա հրեատյաց երգ է երգում:

Ճանաչված արտիստ և հեռուստահաղորդավար Դմիտրի Նագիևը անհրաժեշտ է համարում առանձին բնակտարածք գտնել 19-ամյա որդու համար: Մինչ հիմա Մոսկվայի գեղարվեստաթատերական դպրոց-ստուդիայի ուսանող իր Կիրիլ որդու հետ հաշտ ապրել է Նագիևը:

Լոս-Անջելեսի դատարանի վճռով` Բրիթնի Սփիրսի կոմերցիոն բոլոր գործերը վարելու է հայրը` Ջեյմի Սփիրսը: Դատավոր Ռևա Գոեցը երգչուհու խնամակալ ճանաչել էր նրա հորը դեռևս փետրվարի 1-ից, երբ Բրիթնին հոսպիտալացվել էր` հոգեբուժական ախտորոշման համար:

Ամերիկյան իշխանություններն ավելի կոշտ տնտեսական պատժամիջոց են կիրառել Իրանի դեմ: Ինչպես հաղորդել է ԼՁԸՀ-ՁԸհհ-ը` երկրի ֆիննախարարությունը բանկերին արգելել է տարանցիկ վճարումներ կատարել, ինչը նախկինում թույլատրվում էր` որոշակի պայմաններով: